QwRkzvxV-234Fact.am-ը գրում է.

Փորձերը, լուծել հակամարտությունը   Դոնբասում ռազմական մեթոդներով, որը ենթադրում է արեւմտյան երկրներից Ուկրաինա  զենքի փոխանցում , կարող է հանգեցնել երրորդ համաշխարհային պատերազմի: Այս կարծիքին է Գերմանիայի Բունդեսթագի պատգամավոր, գերմանա-ուկրաինական պատգամավորական խմբի անդամ Նորբերտ Շպինրատը (SPD), Եվրոպա-Ուկրաինա VIII-րդ ֆորումին Լեհաստանի Լոձ քաղաքում:Հաղորդում է «Росбалт» տեղեկատվական-վերլուծական գործակալությունը:

Նա ընդգծել է, որ զենքի  մատակարարումը ուկրաինացիներին, կհանգեցնի հակամարտության հետագա սրման , հետևաբար պետք է օգտագործել բոլոր դիվանագիտական տարբերակները, մասնավորապես, Մինսկի պայմանավորվածությունների շրջանակում: Գերմանական քաղաքական գործիչը գտնում է, որ տնտեսական պատժամիջոցները Ռուսաստանի դեմ, անում են իրենց գործը եւ բացասական ազդեցություն ունեն տնտեսության վրա, իսկ նոր պատժամիջոցները կարող են էլ ավելի սրել իրավիճակը:

Շպինրատը նաեւ ասել է, որ Գերմանիան միանշանակ աջակցում է Ուկրաինային Ռուսաստանի հետ հակամարտությունում, սակայն, նա  նույնպես տառապում է տնտեսական տեսանկյունից Ռուսաստանի Դաշնության դեմ կիրառվող պատժամիջոցների պատճառով:

Բունդեսթագի անդամը  խոստովանել է, որ Ուկրաինայի կառավարությունը իրավունք ունի եւ պարտավոր է պաշտպանվել «ռուսական ագրեսիայից» Ուկրաինայում, բայց խորհուրդ է տալիս չշտապել սպառազինության հարցում, այլ « ժամանակ տալ Մինսկի համաձայնագրերի  իրականացման համար եւ հուսալ, որ հաջողության կհասնեն»:

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել