Օրվա բաղադրատոմսը. ծովախեցգետնով ռուլետ

Բաղադրությունը

Շերտավոր խմոր խմորիչով 1 հատ
Ծովախեցգետնի ձողիկներ 300 գրամ
Խաշած հավի ձու 3 հատ
Չորացրած ուրց 1 գրամ 
Սխտորի փոշի 2 գրամ 
Ձու 1 հատ՝ վրան քսելու համար

Պատրաստման եղանակը 

Խմորը թողեք՝ մի քիչ հալչի: Այդ ընթացքում պատրաստեք միջուկը:
Մանր կտրատեք ծովախեցգետնի ձողիկները, խաշած ձուն և ավելացրեք չորացրած ուրցը, սխտորի փոշին (կարող եք նաև թարմ ավելացնել, եթե հոտը ձեզ չի խանգարում): Ըստ ցանկության՝ կարող եք նաև մի փոքր մայոնեզ ավելացնել:
Գրտնակեք խմորը, վրան թեթև քսեք մայոնեզ, հավասարաչափ լցրեք միջուկը, փաթաթեք ռուլետաձև, վրան քսեք ձուն և կտրատեք: 
Թխեք 160 աստիճանով տաքացրած ջեռոցում 30 րոպե: