Shabat.am-ը գրում է․
Ռուսաստանի ՊՆ-ն ամերիկյան իշխանության վերջին մեղադրանքերը Դոնբասում ռուս զինվորականների ներկայության վերաբերյալ որակել են որպես «գուշակություն սուրճի նստվածքով»: Այս մասին հայտնում է «Զվեզդա» ռադիոկայանը:
Հիշեցնենք, որ նախօրեին ԱՄՆ Պետքարտուղար Ջեն Պսակին հայտարարել էր, որ մեծ քանակությամբ ռուսական ռազմական տեխնիկա է հատել ուկրաինական սահմանը, իսկ Ուկրաինայում ԱՄՆ դեսպան Ջեֆրի Պոյտը արբանյակից արված լուսանկար էր հրապարակել, որտեղ երևում են ռուսական հրետանային համակարգերը Ուկրաինայում:
«Մենք ոչ մի նոր բան չենք լսել ԱՄՆ Պետքարտուղարության պաշտոնական ներկայացուցիչ Ջեն Պսակիի հայտարարության մեջ, իբր Դեբալցևոյում ռուսական հրետանային համակարգերի ներկայության վերաբերյալ»,-հայտարարել է Ռուսաստանի ՊՆ-ի պաշտոնական ներկայացուցիչ Իգոր Կոնաշենկովը:
«Ի տարբերություն ամերիկյան հետախուզության՝ ռուսական ռազմական գերատեսչությունում սուրճի նստվածքով գուշակությունները չեն համարել հարյուրտոկոսանոց հաստատուն վկայություն որևէ տեղեկատվության համար»,-ասել է Կոնաշենկովը:
Հիշեցնենք, որ, համաձայն Մինսկում «նորմանդական քառյակի» կողմից ձեռքբերված համաձայնությանը, փետրվարի 15-ին 00:00-ից կողմերը պարտավորվել են պահպանել հրադադարի ռեժիմը: