Doctors.am-ը գրում է․
Հետազոտությունները ցույց են տալիս, որ մարդիկ, ովքեր սովորություն ունեն ուշ քնելու և որոնց քունն ընդհատվող է ավելի հաճախ են տառապում բացասական մտքերից այն մարդկանց համեմատությամբ,  ովքեր վաղ են քնում:

 

Անցկացված հետազոտության նպատակն էր ուսումնասիրել կապը քնելու ժամի և կպչուն բացասական մտքերի միջև:  

 

Հեղինակները կրկնվող բացասական մտքերը բնորոշում են որպես աբստրակտ կրկնվող մտքեր՝ բացասական փորձի և անձնական խնդիրների շեշտադրությամբ, որոնք դժվար է կառավարել: 

 

Այսպիսի մտքեր ունեցող մարդիկ սովորաբար շատ անահանգստացած են իրենց անցյալով կամ ապագայով, իսկ այդ կպչուն մտքերը կարող են չափազանց հոգնեցուցիչ լինել:

 

Հետազոտության անցկացման համար հեղինակները խնդրեցին համալսարանի 100 ուսանողի լրացնել մի քանի հարցաթերթիկ և երկու համակարգչային առաջադրանք,  որոնցով ստուգում էին տագնապի, բացասական մտքերի աստիճանը և հաճախությունը:  Հաշվի էր առնվում նաև քնելու ժամը. ուսանողը բու էր թե արտույտ:

 

Պարզվեց, որ ուսանողներն, ովքեր ավելի ուշ և քիչ էին քնում ավելի շատ կրկնվող բացասական մտքեր ունեին:

 

Ըստ հեղինակների՝ ստացված արդյունքները ցույց են տալիս, որ ոչ լիարժեք քունը կարող է կապված լինել բացասական մտածողության զարգացման հետ, և կրկնվող նեգատիվ մտքերի հետ կապված հոգեկան շեղումներով մարդիկ պետք է փոխեն իրենց քնի գրաֆիկն ու փորձեն քնել ավելի վաղ և ավելի երկար ժամանակ հատկացնեն քնին:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել