1in.am–ը գրում է.
Աշխարհի առաջատար նավթային ընկերություններից մեկը՝ British Petroleum-ն աշխատակիցներին տեղեկացրել է մինչև ընթացիկ տարվա վերջն աշխատավարձերի սառեցման մասին, հաղորդում է Reuters գործակալությունը: Այս միջոցը վերաբերում է ընկերության բոլոր ստորաբաժանումներին, բացառությամբ մի քանիսի, հայտնել է BP-ի գործադիր տնօրեն Բոբ Դադլին:
«Մենք դա որպես շուկայական ընթացիկ բարդ պայմաններում խելամիտ միջոց ենք համարում»,- մեկնաբանել է BP-ի ներկայացուցիչը:
Նավթային ոլորտում վճարումներն օպերացիոն ծախսերի հիմնական մասն են համարվում: 2013թ. BP-ն աշխատավարձերի և թոշակների վրա գրեթե 13,6 միլիարդ դոլար է ծախսել:
Դեկտեմբերին ընկերությունը հայտարարել է աշխատակազմի կրճատման մասին, ինչը պետք է մեկ միլիարդ դոլար խնայեր: Այդ թվում, ծրագրավորվում է կրճատել թե Բրիտանիայում, և թե Հյուսիսային ծովում գտնվող ստորաբաժանումների աշխատակիցներին:
