_80327334_025440465-11in.am-ը գրում է․

Նիգերում նոր անկարգություններ են բռնկվել ընդդեմ ֆրանսիական Charlie Hebdo երգիծական շաբաթաթերթի, որը հրապարակել է Մուհամմեդի ծաղրանկարները:

Ինչպես հայտնում է AFP գործակալությունը, այսօր մոտ 1000 երիտասարդ է հավաքվել Նիգերի մայրաքաղաք Նիամեյի մզկիթի մոտ ու քարեր նետել ոստիկանության աշխատակիցների ուղղությամբ, այրել անվադողեր: Արդյունքում ոստիկանները արցունքաբեր գազ են կիրառել:

Նախօրեին Զինդեր քաղաքում ծագած անկարգությունների պատճառով նվազագույնը 4 մարդ զոհվել է, 45-ից ոչ պակասը ստացել են վնասվածքներ:

Բացի Նիգերից՝ երեկ ցույցեր են կազմակերպվել նաև Աֆրիկայի այլ երկրներում, այդ թվում՝ Ալժիրում, Մալիում, Սենեգալում ու Մավրիտանիայում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել