Life.panorama.am-ը գրում է․
Life.panorama.am-ը զրուցեց երգչուհի Մարգարիտա Բարխոյանի հետ, ում վերջին շրջանում էկրաններին այնքան էլ հաճախ չենք տեսնում: Պարզվեց, երգչուհին ակտիվ գործունեության մեջ է և երբեք «ձեռքերը ծալած» չի նստել:
-Մարգարիտա, կարծեք թե սկսել եք Ձեր մասին հաճախ չհիշեցնել:
-Կարծում եմ, իրենց մասին հաճախ հիշեցնում են այն երգիչները, որոնք վախ ունեն, որ իրենց կմոռանան: Ես երբեք «պարապ» չեմ եղել, նախորդ տարի 10 երգ եմ ձայնագրել, մեկ նոր տեսահոլովակ նկարահանել: Գրել եմ նաև բազմաթիվ նոր երգեր, որոնք այս տարի կլսեք: Ի դեպ, վերջերս էլ հրավերներով Մոսկվայում էի գտնվում: 2015 թվականին հաճախ այնտեղ կլինեմ:
-Ձեզ սիրեցին Ձեր եղբոր` Վլադիմիր Բարխոյանի հետ առաջին իսկ զուգերգով: Չե՞քվախենում սերը «թուլանա»:
-Մինչ օրս մենք վայելում ենք այն սերը, որին արժանացանք մեր առաջին իսկ երգից հետո: Այս ընթացքում նույն ջանասիրությամբ աշխատել ենք` թողարկելով երկու ձայնասկավառակ: Մենք շատ գոհ ենք մեր հանդիսատեսից և նրանց համար միշտ էլ կներկայացնենք նոր երգեր:
-Ստեղծագործական դադարներն ինչի՞ հետ էին կապված:
-Սովորում էինք: Սակայն երգել երբեք չենք դադարել: Դեռ շատ ասելիք ունենք:
-Այժմ քույր և եղբայր համագործակցո՞ւմ եք:
-Այո, իհարկե համագործակցում ենք: Այժմ այդ համագործակցությունն ավելի է ամրացել, երգեր եմ գրում եղբորս համար: Նա շուտով նորություններով կներկայանա: Հետաքրքիր անակնկալներ ունենք, որոնց մասին հիմա չեմ պատմի:
-Որպես հրավիրյալ երգչուհի՝ աշխատո՞ւմ եք: Որտե՞ղ եք ելույթ ունենում:
-Երգում եմ այնտեղ, որտեղից հրավեր եմ ունենում: Մասնակցում եմ շատ տարբեր միջոցառումների: Հաճույքով եմ դա անում, քանի որ այսօր համերգներ չկան, և հանդիսատեսի հետ շփվելու միակ միջոցը սա է:
Ամբողջական հոդվածը կարող եք կարդալ այստեղ
