Yerkir.am-ը գրում է․
Yerkir.am-ի տեղեկություններով` Գյումրիում տեղի ունեցած դաժան սպանդի կասկածյալ ռուս զինծառայող Վալերի Պերմյակովն այժմ պահվում է ռուսական ռազմաբազայի համապատասխան ստորաբաժանումում` Ձերբակալվածների պահման վայրում (ՁՊՎ):
Մեր տեղեկություններով նրան արդեն հարցաքննել են: Նախնական զրույցի ժամանակ հնարավոր չի եղել պարզել Պերմյակովի կապը սպանված ընտանիքի հետ:
Հիշեցնենք, որ ռուսական կողմը նրա նկատմամբ քրեական գործ է հարուցել դասալքության և սպանության դեպքերի առթիվ:
Իսկ հայկական կողմից սպանության գործով քննությունը հանձնարարվել է կատարել ՀՀ քննչական կոմիտեի Հատկապես կարևոր գործերի վարչությանն, իսկ հսկողությունն իրականացնում է գլխավոր դատախազությունը: Ինչպես Yerkir.am-ի հետ զրույցում հայտնեց Շիրակի մարզի դատախազ Րաֆֆի Ասլանյանը, կասկածյալին ձերբակալել են երեկ գիշերը` ժամը 23:30-ի սահմաններում` սահմանը հատելու փորձ կատարելիս:
Ամբողջական հոդվածը կարող եք կարդալ այստեղ
