3b1in.am-ը գրում է․

Տալսա քաղաքում լաբրադորի քոթոթը հայտնվել է վիրահատական սեղանին: Պատճառը տիրուհու մատանին է եղել՝ հաղորդում է Daily News-ը:

Ամուսնական և նշանադրության ադամանդով մատանին արժեցել է մոտ 23 հզ. դոլար և եղել է Ստեֆանի Լեմբի սուրճի սեղանի վրա: Աղջիկը երկու շուն ունի, բայց, ըստ նրա, միանգամից հասկացել է, թե ով է մեղավոր:

«Ես գիտեի, որ դա Սիերան է, որովհետև նա միշտ չարաճճիություն է անում և անհարմար իրավիճակների մեջ է հայտնվում»,- բացատրել է նա:

«Վախենում եմ, որ նա ոչ միայն մատանի է ուտում»,- ասել է նա վիրահատությունից հետո:

Շան ստամոքսում հայտնաբերվել են նաև ոսկորներ և քարեր:

Սիերան հսկողության տակ կլինի մի քանի օր շարունակ, բայց բժիշկները խոստանում են, որ նրա հետ ամեն ինչ լավ կլինի:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել