10 Փոքրիկ Փարիզ – Բուխարեստ
Բուխարեստն այս մականվանն է արժանացել գեղեցիկ ճարտարապետության ու այստեղ ապրող էլիտայի շնորհիվ։ Ռումինիայի մայրաքաղաքը Փարիզից շատ ավելի փոքր է, սակայն եվրոպական մյուս քաղաքների հետ համեմատած «փոքր» փառը բավականին շփոթեցնող կարող է լինել, քանի որ այն 2 միլիոն բնակչություն ունի և Եվրոպայի 6-րդ ամենամեծ քաղաքն է։
9 Շուշանների քաղաք – Ֆլորենցիա
Շուշանը Ֆլորենցիայի համար այնքան կարևոր խորհրդանշան է, որ դրա պատկերը կարելի է տեսնել նույնիսկ քաղաքի դրոշի վրա։
8 Խաղաղության մայրաքաղաք — Ջենովա
Շվեյցարիան հայտնի է իր չեզոքությամբ ու միջազգային հարաբերությունների խաղաղ կարգավորման գործընթացներում ունեցած իր մասնակցությամբ, սակայն եթե աշխարհում կա մի քաղաք, որն առանձնանում է իր խաղաղությամբ, ապա դա Ջենովան է, որտեղ գործում են ավելի քան 200 միջազգային կազմակերպություններ, այդ թվում Կարմիր Խաչը։
7 Աշխարհի մայր – Կահիրե
Մոտ 7 միլիոն բնակչություն ունեղ այս քաղաքը Աֆրիկայի և միգուցե նաև աշխարհի ամենախոշոր ու կարևոր քաղաքներից մեկն է, սակայն դրա մականունը թերևս փոքր-ինչ չափազանցված է։ Կահիրեն հիմնադրվել է 969թ․ին և բազմաթիվ այլ քաղաքներ կան, որոնք ավելի հին պատմություն ունեն և կարող են հավակնել այն մականվանը, որը տրվել է Կահիրեին։
6 Նորաձևության մայրաքաղաք – Միլան
Իտալիայի երկրորդ ամենախոշոր քաղաքը հայտնի է նորաձևության խորհրդանշական ապրանքանիշերով ու նորաձևության շոուներով։ «Armani», «Versace», «Prada», «Dolce», «Gabbana» և այլ նորաձևության համաշխարհային հայտնի ապրանքանիշերի շնորհիվ 1.3 միլիոն բնակչություն ունեցող այս քաղաքը ստացել է «Նորաձևության մայրաքաղաք» մականունը։
5 Ադրիատիկի մարգարիտ – Դուբրովնիկ
Միջերկրականի ամենանշանավոր վայրը Դուբրովնիկն է, որն իր մականունը ստացել է բազմաթիվ ճարտարապետական զարդերի ու պատմական վայրերի շնորհիվ։ Երբեմն այն նաև անվանում են Խորվաթական Աթենք։ Պետք է նշել նաև, որ 1979թ.ին քաղաքը գրանցվել է ՅՈՒՆԵՍԿՕ-ի համաշխարհային ժառանգության օբյեկտների ցանկում։
4 72 ազգերի քաղաք – Թեհրան
8.5 միլիոն բնակչություն ունեցող այս քաղաքը Իրանի ու ամբողջ արևմտյան Ասիայի ամենախոշոր քաղաքն է։ Դրա կենտրոնական դիրքն ու տնտեսական բարգավաճումը գրավել է բազմաթիվ ներգաղթյալների ու ստեղծել բնակչության բազմազան կառուցվածք, որի շնորհիվ էլ այն ստացել է իր անունը։
3 Ալպերի մայրաքաղաք – Գրենոբլ
Գրենոբլը, որտեղ 1968թ․ին անց են կացվել Ձմեռային օլիմպիական խաղերը, «Ալպերի մայրաքաղաք» անունը ստացել է լեռներին ամենամոտը գտնվելու շնորհիվ։ Ֆրանսիական այս քաղաքը, որը 150,000 բնակչություն ունի, նաև գիտական կարևոր կենտրոն է Եվրոպայի համար։
2 Դանուբի մարգարիտ – Բուդապեշտ
Հունգարիայի մայրաքաղաքը մի քանի մականուններ է ունեցել ժամանակի ընթացքում, այդ թվում՝ Ազատության մայրաքաղաք, Տոների մայրաքաղաք, սակայն այն առավել հայտնի է որպես Դանուբի մարգարիտ, որը գտնվում Եվրոպայի ամենաերկար գետը համարվող Դանուբի ափերին, որն իր հերթին քաղաքը երկու մասի է բաանում։
1 Արքաների քաղաք – Լիմա
Այսօր «Արքաների քաղաքը» պարզապես Պերուի մայրաքաղաքի մականունն է, սակայն դեռ քաղաքի հիմնադրման ժամանակ՝ 1535թ․ին, այն դրա պաշտոնական անունն էր, որը տրվել էր իսպանացի նվաճող Ֆրանսիսկո Պիզառոյի կողմից։ Սակայն հետագայում քաղաքն անվանակոչվեց Լիմա, իսկ «Արքաների քաղաքը» մնաց դրան մականուն։
