Առավոտյան նախաճաշ. պանրով և կաղամբով շնիցել

Բաղադրությունը

կաղամբ-200 գր

պանիր-100գր

ձու-2 հատ

պաքսիմատ-1 թեյի բաժակ

ձեթ

համեմեի սերմ-0.5 թեյի գդալ

աղ

սև պղպեղ

Պատրաստեք պանրով և կաղամբով շնիցել հետևյալ բաղադրատոմսով:

Այն շատ համեղ Պատառ - Բուտերբրոդ է և կարելի է մատուցել Ծննդյան սեղաններին:Խաշած Կաղամբով, սովորաբար, մենք տոլմա ենք փաթաթում. Առաջարկում եմ կաղամբով և պանրով շնիցել պատրաստել:

Ինչպես պատրաստել պանրով և կաղամբով շնիցել

Կաղամբի առանձնացրած տերևները տաք ջրով կաթսայի մեջ խաշել` մինչև փափկեն: Համեմի սերմն ու զիրան տրորել, կարմիր, սև պղպեղներ և աղ ավելացնել, խառնել: Կաղամբի տերևները հանել կաթսայից, ողողել սառը ջրով, թողնել ջրքամվի, ապա խաշած տերևների հաստ մասերը թեթևակի թակել: Տերևներին համեմունքի խառնուրդ շաղ տալ, պանրի շերտ դնել, ծրարել, թաթախել հարած ձվի մեջ, թավալել պաքսիմատի մեջ և բուսայուղով տապակել: