1in.am-ը գրում է․
Երկիրը կործանարար ուլտրամանուշակագույն ճառագայթներից պաշտպանող օզոնային շերտը «ցույց է տալիս վերականգնման առաջին նշանները»: Նման եզրահանգում է պարունակվում Ժնևում հրապարակված՝ Համաշխարհային օդերևութաբանական ծառայության և Շրջակա միջավայրի հարցերով ՄԱԿ-ի ծրագրերի զեկույցում: Այս մասին գրում է TASS-ը:
ԵՄ-ն խնդիր էր տվել 2030թ. 40 տոկոսով կրճատել ջերմոցային գազերի արտանետումները: Հետազոտությունը, որին մասնակցել են 36 երկրների մոտ 300 գիտնականներ, ցույց է տվել, որ այս ուղղությամբ համաշխարհային հանրության կողմից ընդունված միջոցառումները արդյունք են տալիս:
Մասնագետների կանխատեսմամբ՝ եթե այսպես շարունակվի նաև հետագայում, ապա այս դարի կեսերին օզոնային շերտը կհասնի 1980-ի մակարդակին, որը դիտարկվում է որպես «հաշվարկային կետ»:
Եթե մարդկությունը ամբողջովին հրաժարվի օզոնը քայքայող իրերն օգտագործելուց, ապա պաշտպանիչ շերտի վերականգնումը 11 տարով կարող է արագանալ:
