Դեռ երեկ ամեն ինչ հիանալի էր ձեր հարաբերություններում, բայց տղամարդը, չգիտես ինչու, լքեց Ձեզ։ Իսկ գուցե հակառա՞կն է, ու ամեն ինչ շատ վատ էր ու հերթական վեճից հետո եք Դուք միայնակ մնացել։ Ինչպիսին էլ լինի ընտանեկան սցենարը, կինը, միևնույն է, ուժեղ սթրեսի է ենթարկվում, երբ իմանում է, որ տղամարդը թողել է իրեն, ու բնականաբար կանանց հետաքրքրում է, թե ինչո՞ւ է դա հենց իրենց հետ պատահում։
«Սիրո նավակը խորտակվեց՝ բախվելով կենցաղին»
Ցավոք, կենցաղն իրոք լուրջ բացասական դերակատարություն կարող է ունենալ։ Հնարավոր է, որ Դուք այնքան սովորած լինեք ընտանեկան ամենօրյա սկանդալներին, դեմքի դժգոհ արտահայտությանն ու բարձր տոնայնությանը, որ անգամ չեք էլ նկատում վերահաս վտանգը։ Մինչդեռ տղամարդն այդ փուլում կարող է գիտակցել, որ իր համբերության բաժակը լցվել է, չէ՞ որ նա ամուսնանում էր ժպտերես ու թեթև գեղեցկուհու հետ, իսկ նա վերածվեց անընդհատ սղոցող ու դժգոհող փնփնթանի, ով ամեն ինչից կարող է խնդիր ստեղծել։
«Ինչո՞ւ ես դու այդքան սարսափելի»
Երբեմն միայն նրանից հետո, երբ տղամարդը լքում է կնոջը, կինը նոր է «արթնանում» ու սկսում իր շուրջը նայել։ Նա կարող է բացահայտել, որ տունն անփույթ վիճակում է, ինչը հաճելի չէ, բայց որ ավելի սարսափելի է, նա կարող է հայելու մեջ տեսնել լղոզված կազմվածքը, տձև սանրվածքը ու ճմրթված շորերը։ Չգիտես ինչու, գեղեցիկ սեռի բազմաթիվ ներկայացուցիչներ համարում են, որ գեղեցկանալ պետք է միայն, երբ պետք է դուրս գալ, իսկ տանը՝ սեփական ամուսնուդ հետ, կարելի է լրիվ անշուք տեսք ունենալ։ Սակայն տղամարդկանց համար կնոջ արտաքին տեսքը որոշիչ նշանակություն ունեցող հարցերից է, առավել ևս, երբ նրան շրջապատում են խնամված կանայք աշխատանքի վայրում կամ էլ հանգստի ժամանակ։
«Սերն է անսպասելի այցելել…»
Նա պարզապես ուրիշին է սկսել սիրել ու սիրում է նույնքան ուժեղ ու վառ, որքան ժամանակին Ձեզ։ Դրա հետ կամ պետք է համակերպվեք ու շարունակեք Ձեր կյանքը, կամ էլ պայքարեք Ձեր սիրելիի համար։ Սակայն հիշեք, թեև ասում են, որ սիրո մեջ էլ, պատերազմում էլ բոլոր միջոցները լավ են, պետք չէ ճակատամարտի կիզակետում մոռանալ սեփական արժանապատվության ու բարոյականության էլեմենտար նորմերի մասին։
«Նա արևմուտքն է, Դուք՝ արևելքը»
Ընտանեկան նիստուկացն ու այն շրջապատի մենթալիտետը, որում մեծացել է տվյալ մարդը, մեծ նշանակություն ունի նրա հետագա կյանքի վրա։ Ու եթե երկուսը չեն կարողանում հարմարվել միմյանց, ապա դա անխուսափելիորեն կբերի բաժանման։ Տղամարդը կարող է լքել կնոջը՝ չհանդուրժելով ինչ-որ բան, որ իր ընտաանիքում անընդունելի է համարվել։ Օրինակ, եթե կինը հրապարակավ թույլ է տալիս ձայնը բարձրացնել իր վրա։
«Ձանձրույթն ու միապաղաղությունը կործանում են»
Ձանձրույթը տղամարդկանց՝ Ձեզ լքելու մյուս պատճառն է։ Բնույթով զավթիչ տղամարդիկ պայքարում են կնոջ համար, բայց եթե երկար ժամանակ ամեն ինչ հարթ ու խաղաղ է հարաբերություններում, նրանք սկսում են ձանձրանալ և շուրջբոլորը նայել՝ նոր հաղթանակներ փնտրելով։ Եթե կինը չի փորձում նորության պատրանք գոնե ստեղծել, ապա դա սպառնում է բաժանմամբ։
«Վա՞գր… անկողնո՞ւմ»
Սեքսուալ համատեղելիությունն առաջնային դերակատարություն ունի հարաբերություններում։ Հաճախ, բաժանման պատճառ են դառնում զույգի անդամների ախորժակները, երբ մեկը պահանջում է սեքս, իսկ մյուսը պարբերաբար մերժում է։ Եթե անկողնային հարցերում խնդիրներ կան, ապա ավելի լավ է լուծել դրանք միանգամից ու ժամանակին, այլ ոչ թե թողնել ինքնահոսի։
«Ես միայնակ գայլ եմ»
Որոշ տղամարդիկ պարզապես չեն կարող երկար ժամանակ նույն հարաբերություններում լինել։ Նրանց պետք է ազատության զգացում, հանուն որի պատրաստ են անգամ բաժանման։ Սակայն եթե նման «միայնակ գայլին» առաջինը կինը լքի, ապա տղամարդը շատ կզարմանա ու կսկսի փորձել վերականգնել հարաբերությունները։
«Ու ի՞նչ է նա գտել նրա մեջ»
Եթե տղամարդը մամայի բալիկ է, իսկ Դուք դուր չեք գալիս նրա մորը, ապա նա իրոք կարող է լքել Ձեզ, միայն թե հնազանդ լինի մորը։ Ուժեղ սեռի որոշ ներկայացուցիչներ չեն դիմանում բարեկամների կողմից եկող անդադար ճնշմանը, հատկապես, եթե նրանք մոտ են ապրում ու անդադար միջամտում են տղամարդու անձնական կյանքին։
«Ես չեմ ճանաչում այս Դիմակին»
Դուք չեք համապատասխանում նրա ակնկալիքներին։ Որպես կանոն, այս պատճառով տղամարդիկ լքում են կնոջը հարաբերությունների ամենասկզբում։ Հնարավոր է, որ կրքի կիզակետում նա չի հասցրել Ձեզ ճանաչել ինչպես հարկն է, իսկ հետո հասկացել է, որ իրեն այլ տիպ է պետք։
«Ինչպե՞ս համարձակվեցիր անել դա»
Եթե տղամարդն իմանում է Ձեր դավաճանության մասին, ապա դժվար թե նա կարողակա հանգիստ շարունակել ապրել Ձեզ հետ։ Տղամարդկանց մեծամասնությունը՝ մեծամասամբ լինելով պոլիգամ, կնոջից պահանջում են անքակտելի հավատարմություն։
