Հարգելի հայրենակիցներ,

6 ամյա Էդգարի մոտ ախտորոշվել է Հեմոֆիլիա «Ա»: 
Փոքրիկի վիճակը ծանր է և անհրաժեշտ է շտապ բուժում արտերկրում:
Ձեր կողմից նվիրաբերված ցանկացած գումար կօգնի փրկել տղայի կյանքը: Երեխան միակն է ընտանիքում:
Ձեր օժանդակության համար տրամադրվում են հետևյալ հաշվեհամարները՝

ACBA-CREDIT AGRICOLE BANK
USD 220014400596001
AMD 220014401941000

Հեմոֆիլիա «Ա» ՀԻՎԱՆԴՈՒԹՅԱՆ ՆԿԱՐԱԳՐՈՒԹՅՈՒՆԸ.

Հեմոֆիլիան Կոագուլոպաթիաների ամենատարածված ձևերից է։
Տարբերում են A, B, C հեմոֆիլիաներ։ A հեմոֆիլիայի դեպքում հիվանդի արյան մեջ բացակայում կամ նվազում է (30%-ից պակաս) հակահեմոֆիլիային գլոբուլինը (VIII գործոն)։ 
Հեմոֆիլիան դասվում է ռեցեսիվ հիվանդությունների շարքին՝ կապված արական սեռի հետ։ 
Հիվանդությունը պայմանավորված է արյան մակարդման առաջին փուլի խանգարումներով՝ կապված արյան մեջ թրոմբոպլաստինի առաջացմանը մասնակցող պլազմային գործոնների պակասի կամ բացակայության հետ։
Հեմոֆիլիայի կլինիկական երևույթները կարող են ի հայտ գալ կյանքի առաջին տարում, բայց արյունահոսությունը հաճախ առաջանում է այն ժամանակ, երբ երեխաները սկսում են քայլել և ենթարկվում են զանազան կենցաղային վնասվածքների։ 
Արյունահոսություններն առաջանում են կամ վնասվածքից անմիջապես հետո, կամ որոշ ժամանակ անց։ Ուշագրավ է այն հանգամանքը, որ երբեմն նույնիսկ չնչին վնասվածքները (լեզվի կծելը, ատամի ընկնելը և այլն) կարող են առաջացնել ուժեղ և տևական արյունահոսություններ, որոնք կարող են կյանքին սպառնացող բնույթ կրել։ Արյունահոսությունները հաճախ լինում են քթից, լնդերից, բերանի լորձաթաղանթներից և այլն։ Ուժեղ արյունահոսություններ կարող են լինել ատամի հեռացումից, նշիկազատումից և այլ միջամտություններից։
Ենթամաշկային արյունազեղումներն արտահայտվում են տարբեր մեծության կապտուկների ձևով։ Կարող են նաև հեմատոմաներ դիտվել։ Լայնածավալ արյունակուտակումների ներծծման փուլում հիվանդի մոտ առաջանում են ընդհանուր թուլություն, ջերմության բարձրացում և այլ երևույթներ։ Կարող է ի հայտ գալ մաշկի դեղնություն, ուրոբիլինամիզություն։ Միջմկանային հեմատոմաները սովորաբար ավելի դանդաղ են ներծծվում։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել