Life.pamorama.am-ն երգիչ Արման Բարդումյանի հետ զրուցել է «երդվյալ լռության», այսօրվա և 90-ականների տարբերության, նրանց առջև «փակված դռների», և իհարկե, ընտանիքի մասին: Փորձեցինք հասկանալ՝ նեղացա՞ծ է Արմանը այսօրվա շոու-բիզնեսից, թե՞…:
-Արման, վաղուց ձեզանից տեղեկություններ չունենք: Հիմա ինչո՞վ եք զբաղված:
-Ինչպես միշտ՝ երգում եմ, բայց իմ նախընտրած հանդիսատեսի համար:
-Ինչո՞ւ նոր երգեր, տեսահոլովակներ չեք ներկայացնում:
-Իսկ ո՞ւմ համար ներկայացնեմ նոր տեսահոլովակ:
- Ըստ ձեզ՝ դուք հեռուստադիտողների մեջ լսարան չունե՞ք...
-Հեռուստադիտողին այնքան են շեղել այսօրվա անհասկանալի երաժշտությամբ, որ չեմ կարծում, թե կլսեն: Եվ հետո, ենթադրենք նկարահանեցի. որոշ հեռուստաընկերություններ պարզապես կարող է եթեր չհեռարձակեն: Նրանք ավելի շատ այսօրվա անհասկանալի երգերը կտան, քան այն, ինչ մենք ենք ներկայացրել:
- Ինչո՞ւ եք կարծում, որ չեն հեռարձակի: Գումարի՞ խնդիրն է, թե այլ տարաձայնություններ կան:
-Եվ գումարի, և, կարծում եմ, տարաձայնությունների: Խոսքս, իհարկե, ոչ բոլոր հեռուստաընկերությունների, բայց՝ մեծամասնության մասին է:
-Ձեր սերնդի երգիչները, կարծեք, թե բոլորը միանգամից դաշտից հեռացան: Ինչ-որ հատուկ պատճառ կա՞ր, թե՞…
-Իսկապես, եկավ մի պահ, երբ բոլորս անսպասելի հեռացանք, ամեն տեղ մեր դիմաց դռները փակվեցին: Այդպես էլ չհասկացանք, թե ինչու:
-Եվ որևէ բացատրություն չտվեցի՞ն:
-Բացարձակ:
-Գիտենք, որ երգչի աշխատանքով ոչ միշտ է հնարավոր և անձնական, և ընտանիքի հոգսերը հոգալ…Եղե՞լ է, որ երգը թողնեք և զբաղվեք այլ գործով:
-Ոչ, երբեք: Ես միայն երգելով եմ վաստակում:
-Շատերը, երբ հայրենիքում պասիվանում են, մեկնում ենք երկրից: Երբևէ նման բան Ձերմտքով անցե՞լ է:
- Ես 10 տարի առաջ եղել եմ դրսում: Շատ լավ էր, դժգոհ չեմ: Բայց այնտեղ օտարություն էր: Ես գերադասում եմ լինել իմ երկրում, իմ հայրենիքում:
-Արման, երբեմն հարց է ծագում՝ արդյո՞ք նեղացել եք շոու-բիզնեսի դաշտից կամհանդիսատեսից:
- Չեմ նեղացել, ո՞ւմից պետք է նեղանամ: Ես այդ հաճույքը ոչ մեկին չեմ պատճառի (ժպտում է):
Ամբողջական հոդվածը կարող եք կարդալ այստեղ
