Առաւօտ լուսոյ, արեգակն արդար, առ իս լոյս ծագեայ:
Բխումն ի Հօրէ, բխեա ի հոգւույս, բան քեզ ի հաճոյս:
Գանձդ ողորմութեան, գանձիդ ծածկելոյ, գտող զիս արա:
Դուռն ողորմութեան, դավանողիս բաց, դասեցո վերնոցն:
Երրեակ միութիւն, եղելոց խնամող և ինձ ողորմեա:
Զարթիր, Տէր, յօգնել, զարթո ըզթմրեալս, զուարթնոց նմանիլ:
Էդ հայր անսկիզբն, էակից որդի, է միշտ սուրբ հոգի:
Ընկալ զիս գթած, ընկալ ողորմած, ընկալ մարդասէր:
Թագաւոր փառաց, թողութեանց տւող, թող ինձ ըզհանցանս:
Ժողովող բարեաց, ժողովեա և զիս, ժողովս անդրանկաց:
Ի քէն Տէր հայցեմ, ի մարդասիրէդ, ինձ բժշկութիւն:
Լեր կեանք մեռելոյս, լոյս խավարելոյս, լուծանող ցավոյս:
Խորհրդոց գիտող, խաւարիս շնորհեա, խորհուրդ լուսաւոր:
Ծնունդ Հոր ծոցոյ, ծածկելոյս ստուերաւ, ծագեայ լոյս փառաց:
Կենարար փրկիչ, կեցո ըզմեռեալս, կանգնեա զգլորեալս:
Հաստեա հաւատո, հաստատեա հուսով, հիմնեցո սիրով:
Ձայնիւս աղաչեմ, ձեռօքս պաղատիմ, ձիր բարեաց շնորհեա:
Ղամբարամբ լուսոյ, ղեկավար ճարտար, զօղեալս ամրացո:
Ճառագայթ փառաց, ճանապարհ ինձ ցոյց, ճեպել ի յերկինս:
Միածինդ Հօր, մոյծ զիս յառագաստ, մաքուր հարսանեացդ:
Յորժամ գաս փառօք, յահագին աւուրն, հիշեա զիս Քրիստոս:
Նորոգող հնութեանց, նորոգեա և զիս, նորոգ զարդարեա:
Շնորհատու բարեաց, շնորհեա զքաւութիւն, շնորհեա զթողութիւն:
Ուրախացո Տէր, ոգւոյս փրկութեամբ, ոյր վասն եմ ի սուգ:
Չար մշակողին, չար սերմանց նորին, չորացո զպտուղն:
Պարգևիչ բարեաց, պարգեւեա իմոց, պարտեացս թողութիւն:
Ջուր շնորհեա աչացս, ջերմ հեղուլ զարտօսր, ջնջել ըզհանցանս:
Ռետինդ քաղցու, ռամ հոգւոյս արբո, ռահ ցոյո ինձ լուսոյ:
Սեր անուն Յիսուս, սիրով քո ճմլեա, սիրտ իմ քարեղեն:
Վասն գթութեան, վասն ողորմութեան, վերստին կեցո:
Տենչալւոյդ տեսլեամբ, տուր ինձ յագենալ, Տեր Յիսուս Քրիստոս:
Րաբունդ երկնաւոր, րոտեա զաշակերտս, րաժից երկնայնոց:
Ցող արեան Քո, Տեր, զօղեա ի հոգիս, ցնծասցէ անձն իմ:
Իիւծեալս մեղօք, ւիւծեալ աղաչեմ, ւիւսել ինչ բարիս:
Փրկիչ բոլորից, փութա զիս փրկել, փորձութեանց մեղաց:
Քաւիչ յանցանաց, քաւեա զօրհնաբանս, Քեզ երգել ըզփառս:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել