Boeing-1tvCivilnet.am-ը գրում է․

Ռուսական Առաջին ալիքի«Օդնակո» քարոզչական հաղորդման եթերում նոյեմբերի 14-ի երեկոյան հրապարակվել է արբանյակից արված «սենսացիոն լուսանկար», որում երևում է, թե հուլիսին Դոնեցկում կործանված մալայզիական օդանավն ինչպես է խոցվում ուկրաինական կործանիչի կողմից:

«Հայտնի է, որ [Մեծ քսանյակի] Բրիսբենի գագաթաժողովումԱվստրալիայի վարչապետը սպառնում է մեր նախագահին խիստ հարցադրում անել մալայզական Boeing-ի մասին»,- այսպես է հեռուստածրագիրը սկսել հաղորդավար Միխայիլ Լեոնտևը:

Ինչպես նշվում է հաղորդման շրջանակում, լուսանկարը Ռուսաստանի ինժեներների միության փոխնախագահ Իվան Անդրիևսկին էլեկտրոնային փոստի միջոցով ստացել է Մասաչուսեթսի տեխնոլոգիական ինստիտուտի շրջանավարտ, 20-ամյա փորձով ավիափորձագետ ներկայացած ոմն Ջորջ Բիլթից:

«Ըստ տեղանքի, եղանակային պայմանների և ինքնաթիռների չափերի՝ լուսանկարն ամբողջովին համապատասխանում է աղետի հանգամանքներին»,- հայտարարել է Լեոնտևը:

«Լուսանկարում նշված կոորդինատներին համապատասխան՝ մենք կարող ենք ենթադրել, որ լուսանկարն արվել է ամերիկյան կամ անգլիական արբանյակից։ Մենք այդ լուսանկարի հանգամանալի վերլուծություն անցկացրինք և ոչ մի կեղծում չհայտնաբերեցինք»,- հաստատել է Անդրիևսկին։

 

Լուսանկարի հրապարակումից հետո համացանցում սկսվել են դրա կեղծ լինելու շուրջ բուռն քննարկումները:

Ռուս Բլոգեր Մաքսիմ Կացը ուշադրություն է դարձրել այն հանգամանքին, որ լուսանկարում ինքնաթիռը մի փոքր փոփոխված պատկերն է այն տարբերակի, որը հայտնվում է համացանցում՝ «Boeing-ի պատկերը վերևից» արտահայտությունը գրելիս:

Բացի այդ՝ լուսանկարում պատկերված է Boeing-767, այլ ոչ թե 777, որը կործանվել էր Ուկրաինայում:

Մյուս մեկնաբանները նկատել են, որ լուսանկարում պատկերված կործանիչը նման չէ ՄԻԳ-29-ի, որը, ըստ Լեոնտևի, խոցել է մալայզական օդանավը, իսկ ինքնաթիռի վրա գրված Malaysia գրությունը տեղակայված չէ այնտեղ, որտեղ պետք է լինի:

Ամբողջական հոդվածը կարող եք կարդալ այստեղ

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել