Վերազգային բանկային արտոնագրերի համակարգ` ԵՏՄ տարածքումArmnewsTV.am-ը գրում է.

Ռուսաստանի մարզային բանկերի ասոցիացիան դիմել է Կենտրոնական բանկ Եվրասիական միության տարածքում վերազգային բանկային արտոնագրեր ստեղծելու խնդրանքով: Դրանք հնարավորություն կտան առանց հավելյալ թույլատվությունների մի երկրում հավատարմագրված բանկերը գործեն նաև ԵՏՄ անդամ բոլոր պետություններում:

Ռուսաստանի, Բելառուսի և Ղազախստանի բանկային համակարգերում կան որոշակի նմանություններ: Ռուսաստանում գործում է ավելի քան 800 բանկ, Ղազախստանում և Բելառուսում բանկերի թիվը 30-նն է: ԵՏՄ տարածքում բանկային ամենափոքր համակարգն ունի Հայաստանը: Այստեղ գործում է 22 բանկ: Ռուսական բանկերն ակտիվորեն ընդլայնվում են ԱՊՀ տարածքում: Այդ բանկերի դուստր վարկային կազմակերպությունները մտնում են նախկին ԽՍՀՄ տարածքում գործող լավագույն 30 բանկերի ցանկը: Սրան զուգահեռ Հայաստանի, Բելառուսի և Ղազախստանի բանկերը էականորեն զիջում են իրենց դիրքերը: Վերազգային բանկային արտոնագրերի համակարգն արդեն գործում է Եվրամիության տարածքում:

ԱՊՀ տարածքում վարկային ամենացածր տոկոսադրույքները սահմանում են ռուսական բանկերը: Ռուս վերլուծաբանները կանխատեսում են` եթե բանկերի համար ստեղծվեն վերազգային արտոնագրեր, ապա ԵՏՄ տարածքի շատ բանկեր չեն դիմանա մրցակցությանն ու դուրս կմնան շուկայից: Նրանց կարծիքով առաջինը կզիջեն հայաստանյան բանկերը:

Տեսանյութը՝ այստեղ

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել