1in.am-ը գրում է․
ՆԱՏՕ-ն հնարավորություն ունի ցամաքային զորքեր մտցնելու Թուրքիա, եթե երկիրը պաշտպանության կարիք ունենա ԴԱԻՇ-ի («Իրաքի և Շամի իսլամական պետություն») հարձակումներից: Reuters-ի հաղորդմամբ՝ այս մասին Լեհաստանում մամլո ասուլիսի ժամանակ հայտարարել է դաշինքի ղեկավար Յենս Սթոլթենբերգը:
Հոկտեմբերի 2-ին Թուրքիայի խորհրդարանը հավանություն է տվել կառավարության նախաձեռնությանը և երկրի զինված ուժերին թույլ է տվել Իրաքում ու Սիրիայում ԴԱԻՇ ահաբեկչական խմբավորման դեմ միջսահմանային ռազմական գործողություններ իրականացնել: Բացի դրանից՝ խորհրդարանն այլ պետությունների թույլ է տվել երկրի տարածքում գործողությանը մասնակցող զինծառայողներ տեղակայել, նաև՝ կոալիցիայի կարիքների համար օգտագործել թուրքական ռազմաբազաները:
Նյութի աղբյուր՝ http://www.1in.am/1447810.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել