Չինաստանի տասնյակ հազարավոր քաղաքացիներ՝ հիմնականում ուսանողներ, դուրս են եկել Հոնգ Կոնգի փողոցներ՝ պայքարելու հանուն ժողովրդավարության։ Ցուցարարները արևից պաշտպանվելու համար անձրևանոցներով են դուրս եկել փողոցներ, ինչն արդեն խորհրդանիշ է դարձել ու շատերն այս ցույցերը սկսել են «Անձրևանոցի հեղափոխություն» անվանել։
Արևից պաշտպանվելուց զատ ցուցարարներն անձրևանոցներն օգտագործում են ոստիկանների կողմից իրենց դեմ օգտագործվող արցունքաբեր գազից պաշտպանվելու համար։
Ցուցարարները նշել են, որ պայքարելու են հանուն ժողովրդավարության, հանուն իրենց ազատության և որ հնարավոր բռնությունները իրենց չեն վախեցնի, որպեսզի հետ կանգնեն իրենց պայքարից։
Ցույցերը սկսվել են ուրբաթ գիշերը ու շարունակվել մինչև այսօր։
Սպասվում է, որ ցույցերն իրենց գագաթնակետին կհասնեն հոկտեմբերի 1-ին՝ ՉԺՀ ազգային տոնին։