GalaTV.am-ը գրում է.
Ինչպիսի՞ն է այսօրվա Սինգապուրը: Այս հարցին միանշանակ պատասխան տալ հնարավոր չէ, քանի որ Սինգապուրը նաեւ անկրկնելի է եւ բազմազան, ինչպես եւ մարդիկ, ովքեր ապրում են այդ միկրոսկոպիկ երկրում` վեց հարյուր քառակուսի կիլոմետրից քիչ ավելի տարածքով եւ մոտ հինգ միլիոն բնակչությամբ:
Չէ՞ որ Սինգապուրը «տնտեսական հրաշքի» օրինակն է, որի հայրը Լի Կուան Յուն է, ով 40 տարվա ընթացքում Սինգապուրն «աշխարհի երրորդ» երկրից վերածեց ամենազարգացածներից մեկը:
Անկախության ձեռք բերման պահին (1965 թվական) Սինգապուրն իրենից ներկայացնում էր փոքր աղքատ երկիր, որը ստիպված էր ներմուծել նույնիսկ խմելու ջուր եւ շինարարական ավազ: Հարեւան երկրներն անբարյացկամ էին տրամադրված, իսկ բնակչության մեկ երրորդը համակրում էր կոմունիստներին:
Այսօր Սինգապուրը բարձր զարգացած երկիր է շուկայական տնտեսությամբ, որտեղ կարեւոր դեր են խաղում անդրազգային ձեռնարկությունները: Համաշխարհային տնտեսական ֆորումի մրցունակության վարկանիշով Սինգապուրի տնտեսությունն արդեն 2006 թվականին աշխարհում զբաղեցրել է 5-րդ տեղը:
Սինգապուրն անվանում են «քսաներորդ դարի տնտեսական երեւույթ» տնտեսության արագ թռիչքի համար՝ մինչեւ զարգացած երկրների մակարդակի: Երկրում զարգացած են էլեկտրոնիկայի արտադրությունը (ինչպես բազմաթիվ հայտնի եվրոպական, ամերիկյան եւ ճապոնական ընկերությունների, այնպես էլ սինգապուրյան), նավաշինությունը եւ ֆինանսական ծառայությունների ոլորտը: Ծավալուն հետազոտություններ են անցկացվում կենսատեխնոլոգիայի ոլորտում:
Լի Կուան Յուի կառավարության տնտեսական զարգացման ռազմավարությունը հիմնված էր Սինգապուրը Հարավարեւելյան Ասիայի ֆինանսական եւ առեւտրային կենտրոնի վերափոխելու, ինչպես նաեւ օտարերկրյա ներդրողներին ներգրավելու վրա: «Մենք ողջունում էինք յուրաքանչյուր ներդրողի… Մենք պարզապես մաշկից դուրս էինք գալիս, որպեսզի օգնենք նրան արտադրություն սկսել»,- գրել է Լի Կուան Յուն:
Անկախություն ձեռք բերելու ժամանակաշրջանում Սինգապուրը տառապում էր կոռուպցիայի բարձր մակարդակից: Լի Կուան Յուն այսպես է բնութագրել իրավիճակը. «Կոռուպցիան ասիական ապրելակերպի հատկանիշներից մեկն է համարվում: Մարդիկ բացահայտ կերպով ընդունում էին վարձատրություններ, դա նրանց կյանքի մի մասն էր»:
Աբողջական հոդվածը կարող եք կարդալ այստեղ