Աստղային ընկերներ. Լուլու և Ելենա Բորիսենկո. «քեռակինների» անխուսափելի մտերմությունը (լուսանկարներ)

«Իսկական ընկերը բարիքներից մեծագույնն  է»,-ասել է  ֆրանսիացի գրող Ֆրանսուա դըԼառոշֆուկոն: Ու թեև լավ ընկեր գտնելը դժվար գործ է, այնուամենայնիվ, ամենքս էլ ունենքգոնե մեկին, ում կարող ենք մեր մտերիմը համարել: Չմոռանանք նաև, որ լավ ընկեր գտնելըմի բան է, իսկ այդ ընկերությունը պահպանելն էլ՝ մեկ այլ բան: Life.panorama.am-ըներկայացնում է «Աստղային ընկերներ» խորագրով շարքը, որի շրջանակներումկանդրադառնանք հայկական շոուբիզնեսի ամենամտերիմ ներկայացուցիչներին, ովքերկպատմեն իրենց անցած ուղու, միմյանց բնավորության գծերի ու իրար հետ ունեցածուշագրավ, ջերմ պահերի մասին: Այս անգամ մեր ուշադրության կենտրոնում հաղորդավարուհի Լուսինե Բադալյանն (Լուլու) ու դերասանուհի Ելենա Բորիսենկոն են:

Պարզվում է՝ Լուլուն ու Ելենան իրար մասին շատ վաղուց են լսել, քանի որ վերջինս եղել է հաղորդավարուհու ամուսնու պատանեկության, երիտասարդության մտերիմ ընկերը: Ապագա ընկերներն  անընդհատ հեռվից հեռու լսել են միմյանց մասին, Լուսինեն անգամ, ժամանակ առ ժամանակ խանդել է այդ «ոմն Ելենային»՝ պատկերացում չունենալով՝ ում մասին է խոսքը: Եվ, մի օր, հետաքրքիր պատահականությամբ՝ Լուլուի հավատարիմ ռադիոլսողներից մեկը որոշում է, որ պետք է իրար հետ ծանոթացնի իրեն շատ հարազատ չորս մարդկանց, որոնց նա կոչում է «քեռակիններ»: Ռադիոլսողի կարծիքով՝ այդ չորս մարդիկ նախատեսված են իրար համար և հիանալի ընկերուհիներ կարող են լինել: Պարզվում է՝ «քեռակիններից» երկուսը հենց Լուլուն և Ելենան են: Այդպիսով, հանդիպումն արդեն անխուսափելի էր:

«Մի օր բոլոր քեռակինները հանդիպեցին, ծանոթացան, և այդ օրվանից նրանք բաժանել չի լինում: Չնայած իր երիտասարդ տարիքին, ռադիոլսողը շատ ճիշտ էր զգացել, որ մենք կարող ենք լավ ընկերներ լինել: Շուրջ մեկ տարի է՝ ինչ իրար ճանաչում ենք, բայց այնպիսի տպավորություն է, որ մի ամբողջ կյանք ենք միասին ապրել»,-մեզ հետ զրույցում նշեց Լուսինեն:

Վերջինս իր ընկերուհու մեջ առաջինը նկատել է բարությունը,  նրա խորը ներաշխարհը, տխրության մեջ լավատեսության զգացումը, փոքրիկ առիթը գեղեցիկ գույներով ներկելու կարողությունը: «Ելենան նաև խենթ է, խենթը լինում է հենց նրա պես, հումորի մասին էլ չեմ խոսում… Չափից դուրս նվիրվող է, բացի այդ՝ նրանից միշտ սովորելու նոր բան կա»,-ասաց Լուլուն: