1in.am-ը գրում է.
ԱՄՆ նախագահ Բարաք Օբաման 2 արկղ գարեջուր է ուղարկել Բելգիայի վարչապետ Էլիո դի Ռուպոյին Աշխարհի առաջնության 1/8 եզրափակչում իրենց երկրների թիմերի խաղի արդյունքի վերաբերյալ գրազի պատճառով, որը տանուլ է տվել: Այս մասին հայտնում է gazeta.ru-ն:
Խաղի նախօրեին դի Ռուպոն թվիթերյան իր պաշտոնական էջում մարտահրավեր է նետել Օբամային. «Հե՛յ, Օբա՛մա, ես պատրաստ եմ բելգիական հրաշալի գարեջուր խաղարկել, որ մեր «կարմիր սատանաները» ձեզ կհաղթեն քառորդ եզրափակչի խաղում»,- գրել է վարչապետը:
Հանդիպումն ավարտվել էր 2:1 հաշվով՝ հօգուտ Բելգիայի:
Սեպտեմբերի 12-ին Բելգիայում ԱՄՆ դեսպանատան թվիթերյան պաշտոնական էջը հայտնել է, որ Օբամայից կից նամակով դի Ռուպոյի համար Բրյուսել է ուղարկվել ամերիկյան գարեջուր:
«Որպես ամերիկացի՝ մենք միշտ պատրաստ ենք համագործակցել մեր բելգիացի գործընկերների հետ, բացառություն է միայն ֆուտբոլի դաշտը: Կտեսնվենք 2018-ին»,- գրել է ԱՄՆ նախագահը: