Եթեդուք ակտիվացնեք Gmail 2-Step Verification , ապա նույնիսկ եթե չարագործը իմանա ձեր էլեկտրոնային փոստի գաղտնաբառը, չի կարողանա ներթափանցել։ Ամեն անգամ անծանոթ համակարգչից կամ հեռախոսից, պլանշետից մտնելուց դուք պետք է ներմուծեք գաղտնաբառից բացի լրացուցիչ կոդ, որը կամ գեներացվում է հատուկ բջջային հավելվածի կողմից, կամ sms-ով։

Հաշվի առեք, որ ինտերնետ ակումբից, հանրային համակարգիչներից օգտվելուց գրեթե 100% հավանականություն կա, որ ձեր գաղտնաբառը կհայտնվի ուրիշի ձեռքերում։ Այնպես որ սա արժի միացնել։

Ակտիվացնելու համար գնում ենք աջ անկյուն եւ մտնում settings

Ընտրում ենք Security բաժինը


Այստեղ ընտրում ենք 2-Step Verification, միացնում ենք, եւ քայլերով գնում։ 
Այստեղ  դուք ունեք երկու տարբերակ։ Եթե Android հեռախոս ունեք, ապա ձեր մոտ տեղադրվում է կոդը գեներացնող Google Authenticator հավեվածը։ 

Ակտիվացնելուց հետո դուք ունեք կարգավորումների էջ։ Դուք կարող եք ոչ թե հավելվածով կոդը ստանալ, այլ sms-ով ֊ տես բ․ տարբերակը։ Բացի դրանից, կարող եք գեներացնել իննը լրացուցիչ կոդ եւ դրանք տպել։ Սա այն դեպքերի համար է, երբ դուք գնում եք երկրից դուրս եւ կապ չեք ունենալու ֊ տես գ․ տարբերակը։ 

Եթե դուք սա ակտիվացնեք, ձեր անձնական համակարգիչը կամ հեռախոսը կավելացնեք առաջին անգամ մտնելուց վստահելի սարքերի ցանկի մեջ եւ այլեւս պետք չի լինի կոդը ներմուծել։ 
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել