Pastinfo.am-ը գրում է.

Էդուարդ Խաչատրյանը 2002 թվականի նոյեմբերին Ստեփանավանի բնակչուհիներից մեկին ներկայանալով «Առավոտ» օրաթերթի լրագրող Էդիկ Բաղդասարյան անուն-ազգանունով` նրանից խաբեությամբ հափշտակել էր 155 հազար դրամ և 500 հազար դրամի ոսկյա զարդեր ու հագուստ: Այս մասին տեղեկացնում է ոստիկանության լրատվական ծառայությունը:

2002 թվականի նոյեմբերի 27-ին խարդախության փաստով հարուցվել էր քրեական գործ:
 
Քննության ընթացքում Էդուարդ Խաչատրյանի գտնվելու վայրը չէր պարզվել: Նույն թվականի դեկտեմբերի 5-ին նրա նկատմամբ հայտարարվել էր հետախուզում, խափանման միջոց ընտրվել՝ կալանավորումը: 
 
2014 թ. հունիսի 25-ին Խաչատրյանը ոստիկանության Մաշտոցի բաժնի ծառայողների կողմից հայտնաբերվել է և բերման ենթարկվել:
Քրեական գործով կասեցված վարույթը վերսկսվել է:
 
Ըստ ոստիկանության՝ հիմնավոր կասկածներ կան, որ Էդուարդ Խաչատրյանի հանցավոր գործունեությունից տուժել են այլ քաղաքացիներ ևս, որոնց խնդրվում է դիմել ոստիկանության մոտակա բաժին, կամ զանգահարել 0256 2 22 86, 077 03 12 06 հեռախոսահամարներով:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել