Life.panorama.am-ը գրում է.
Պարող, մոդել, դերասան Մովսես Երեմյանին հանրությունը մեծ էկրաններին վերջին անգամ տեսել է «Խաղ իմ կանոններով» ֆիլմի շրջանակներում՝ գլխավոր դերում: Նա հավաստիացնում է, որ երկրպագուներին երկար սպասելու առիթ չի տա և առաջիկայում ևս հանդես կգա որևէ նոր կերպարով: Life.panorama.am-ը Մովսեսի հետ զրուցել է նրա դերասանական, մոդելային կարիերայից, առաջիկայի ծրագրերից, անդրադարձել է նաև վերջինիս անձնական կյանքին:
-Առաջիկայում ձեզ էկրաններին կտեսնե՞նք:
-Կարծում եմ՝ եթե ոչ հեռուստաէկրաններին, ապա մեծ էկրաններին հաստատ կտեսնեք: Ինձ առաջարկում են նկարահանվել մի կոմեդիայում՝ մի ուրախ տղայի կերպարում: Հիմա մտածում եմ այդ ուղղությամբ: Բացի այդ՝ ունեմ սերիալում հանդես գալու առաջարկ ևս, որի շուրջ ևս մտածում եմ:
-Ի՞նչ հանգամանքներ հաշվի առնելով եք որոշում՝ նկարահանվել տվյալ ֆիլմում կամ սերիալում, թե՝ ոչ:
-Ինձ համար կարևորն այն է, թե ինչ կերպար են ինձ առաջարկում, որքանով կարող եմ ինձ գտնել դրա մեջ: Հաշվի եմ առնում նաև այն փաստը, որ աշխատակազմը լինի պրոֆեսիոնալ:
-Մոդելի ձեր կարիերայով այժմ զբաղվու՞մ եք:
-Ոչ, մոդելային կարիերայով չեմ պատրաստվում զբաղվել, մանավանդ՝ Հայաստանում:
-Իսկ արտերկրից գործնական հրավերներ ունե՞ք:
-Ունեցել եմ հրավերներ, սակայն այդ ժամանակ չէի կարող ուսումը համատեղել աշխատանքի հետ:
Ամբողջական հոդվածը կարող եք կարդալ այստեղ