Pastinfo.am-ը գրում է.

Տավուշի մարզի սահմանամերձ գյուղերի ղեկավարները դիմել են Կարմիր խաչի միջազգային կոմիտե` խնդրելով աջակցել գյուղատնտեսական աշխատանքների անվտանգության ապահովմանը: «Փաստինֆո»-ի այս տեղեկությունները հաստատեց ԿԽՄԿ երևանյան պատվիրակության հաղորդակցական ծրագրերի ղեկավար Զառա Ամատունին:
 
Նա նշեց, որ դա համապատասխանում է Կարմիր Խաչի միջազգային կոմիտեի մանդատին, միջազգայնորեն ընդունված պրակտիկա է, և եթե կողմերը տալիս են իրենց համաձայնությունը, ԿԽՄԿ-ն իր ներկայությամբ աջակցում է տեղի բնակչության անվտանգությա ապահովմանը:
 
«Երկուստեք համաձայնության դեպքում մենք տալիս ենք այդ երաշխիքները, այսինքն` գտնվում ենք այդ տարածքներում, բայց քանի որ մենք հիմա դեռ չունենք հաստատում, ես չեմ կարող հստակ որևէ բան ասել»,- նշեց մեր զրուցակիցը:
 
Մեր հարցին, թե արդյոք ԿԽՄԿ-ն դիմե՞լ է ադրբեջանական կողմին` նրանց համաձայնությունն ստանալու, Զառա Ամատունին այսպես պատասխանեց. «Մենք բանակցում ենք իշխանությունների հետ»:
 
Տավուշի մարզի գյուղերում ներկայում սկսվել են ցորենի և գարու բերքահավաքի աշխատանքները, սակայն գյուղացիները չեն կարողանում աշխատել գյուղից դուրս գտնվող իրենց դաշտերում, քանի որ դրանք գտնվում են ադրբեջանական դիրքերի մշտական կրակահերթերի տակ:
 
Գյուղացիները պատմում են, որ ադրբեջանցիները կրակում են դաշտում աշխատող ոչ միայն գյուղացիների, այլև՝ գյուղտեխնիկայի վրա:

Ամբողջական հոդվածը կարող եք կարդալ այստեղ

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել