1in.am-ը գրում է.
Google ընկերությունը ստեղծել է տեղեկատվության անվտանգության ոլորտի փորձառու մասնագետների նոր թիմ (Project Zero): Վերջինիս խնդիրն է լինելու համացանցում որոնել խոցելիություններ՝ ասվում է Google-ի պաշտոնական բլոգում:
«Օգտատերերը պետք է հնարավորություն ունենան համացանցն օգտագործել առանց մտավախության, թե հանցագործները կամ պետության կողմից ֆինանսավորվող ցանցահենները կարող են իրենց համակարգիչները վարակել վիրուսով, գողանալ տեղեկատվությունը կամ լրտեսել իրենց հաղորդակցությանը»,- նշում են Google-ում:
Ընկերության տվյալներով՝ ներկայում համացանցում կան, այսպես կոչված, «զրոյական օրվա» խոցելիություններ, որոնց միջոցով հնարավոր է հետևել, օրինակ, իրավապաշտպանների գործունեությանը կամ կատարել կանխամտածված լրտեսություն:
Project Zero-ի թիմում ցանցահենները կզբաղվեն ոչ միայն Google-ի ծառայություններում խոցելիության հայտնաբերմամբ, այլ նաև այլ ընկերությունների մշակմամբ, որոնցից օգտվում են մեծ թվով մարդիկ: