«Ոնց որ բոլորը տեսահոլովակ թողարկեն, որ հարսանիքներին լավ փող աշխատեն». Գոռ Սուջյան

 «Դորիանս» ռոք-խմբի վոկալիստ Գոռ Սուջյանն այժմ աշխատում է մի քանի նոր երգերի վրա, որոնք աշնանը կներկայացվեն հանդիսատեսի դատին: Իսկ հուլիսի 24-ին էլ խումբը երևանյան ակումբներից մեկում հանդես կգա համերգով: Life.panorama.am-ը երգչի հետ զրուցել է արդի հայ երգարվեստից, Հայաստանում ռոքի զարգացման տենդենցներից և այլ հետաքրքիր թեմաներից:

-Հայաստանում ռոքի զարգացման տենդենցներն ինչպե՞ս եք գնահատում:

-Ես չեմ սիրում առանձնացնել ռոքը, ջազը և մնացած ուղղությունները. կարևորն այն է, որ Հայաստանում զարգանա որակյալ երաժշտությունը: Իսկ դա տեղի ունենում է, գուցե, ընթացքում նաև անկում է գրանցվում. դա բնական երևույթ է: