1in.am-ը գրում է.
AC/DC ռոք-խմբի կիթառահար Մալքոլմ Յանգը հոսպիտալացվել է, հայտնում է The Guardian-ը՝ հղում անելով խմբի վոկալիստ Բրայան Ջոնսոնին:
Ավելի վաղ խումբը հայտնել էր, որ Մալքոլմ Յանգը առողջական վատ վիճակի պատճառով ժամանակավորապես լքում է խումբը: Ջոնսոնի խոսքով՝ խմբի նոր՝ 15-րդ ալբոմը, առանց Յանգի են ձայնագրել:
«Մենք շատ ենք կարոտում Մալքոլմին: Նա մարտիկ է: Նա հիվանդանոցում է, բայց նա մարտիկ է: Նրա համար խաչենք մատները, որպեսզի ապաքինվի»,- ասել է Ջոնսոնը՝ ավելացնելով, որ չի կարող մանրամասներ հաղորդել գործընկերոջ առողջական վիճակի մասին:
Ջոնսոնը հայտնել է, որ նոր ալբոմի ձայնագրությանը Յանգի փոխարեն մասնակցել է նրա զարմիկ Սթիվ Յանգը:
AC/DC-ն իր կարիերան սկսել է Ավստրալիայում 1973 թ.: 61-ամյա Մալքոլմ Յանգը խմբի հիմնադիրներից է:
Նյութի աղբյուր՝ http://www.1in.am/1362877.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել