Ավելի քան 2 հազար ուկրաինացիներ ապաստան են խնդրել Եվրոպայում

1in.am-ը գրում է.

ԵՄ-ում, ինչպես նաև Նորվեգիայում ու Շվեյցարիայում ապաստան հայցած ուկրաինացիների թիվը զգալիորեն ավելացել է 2014-ի մարտից մինչև մայիս՝ գերազանցելով 2 հազար մարդը, հաղորդում է Փախստականների գործերի եվրոպական բյուրոն։ Այս մասին տեղեկացնում է BBC-ի ռուսական ծառայությունը։

Վերջին գրեթե 20 տարվա ընթացքում հայտատուների թիվը կազմել է ամսական միջինը 100 հոգի։

Ուկրաինայից նոր հայտատուների մեծ մասը ապաստան է խնդրել առաջին անգամ։

Ընդհանուր առմամբ, 2014 թ. առաջին հինգ ամիսներին ապաստանի մասին հարցումների թիվն աճել է 19%-ով՝ 2013-ի նույն ժամանակահատվածի համեմատ։