1. Մի ծախսեք Ձեր ժամանակն այն աշխատանքի վրա, որը չեք սիրում:
Եթե հետաքրքրված եք որևէ աշխատանքով, ապա իսկապես հասնում եք ավելի մեծ արդյունքների, քան այն դեպքում, երբ ժամանակ եք սպանում: Աշխատանքը պետք է սիրել, քանի որ նման դեպքերում եք մշտապես մտածում բիզնեսի զարգացման նոր ուղիների մասին:
2. Բարձր նպատակներ դրեք Ձեր առջև
Առանց կանգնելու, առանց ետ նայելու, առանց փոշմանելու, միայն առաջ: Իսկ այդ ամենն արեք որքան հնարավոր է մաքուր կերպով՝ առանց խաբելու:
3. Մտածեք Թրամփի մասշտաբների պես
Ինչքան շատ, այնքան լավ: Փոքր բաների մասին մտածելը սահմանափակում է Ձեր պոտենցիալը: Մարդիկ կարող են մեծ բարձունքների հասնել, եթե ունենան մտածելու մեծ մտահորիզոն:
4. Մինչև վերջ կանգուն մնացեք
Ուղղակի համառություն ցուցաբերեք: Մարդկանց մեծամասնությունն անհամբեր է և միանգամից արդյունքի է սպասում: Երբեմն պետք է նաև ուղղակի կանգնել ու սպասել:
5. Առանց գիտելիքների Դուք շանս չունեք
Որքան հնարավոր է եղեք տեղեկացված: Սկսեք սովորել ամեն ինչից և շարունակեք նույն ոգով: Մինչ որևէ գործ սկսելը, ուսումնասիրեք այդ ոլորտը, հասկացեք բիզնեսի նրբություններն ու ամեն ինչ ավելի հեշտ կլինի: Անհաջողակների մեծ մասի խնդիրը տեղեկատվության պակասն է:
6. «Դուք աշխատանքից ազատված եք» բառերը ոչ ոք չի ուզում լսել… և արտասանել
Աշխատանքից ազատելը շատ տհաճ ու պատասխանատու երևույթ է, ուստի երբեմն ծառը փրկելու համար հարկավոր է հատել նրա հիվանդ ճյուղերը:
7. Ապացույցը գործի մեջ
Գործը երբեմն ռիսկ է: Անգամ եթե ոչ ոք չի աշխատում, պրոֆեսիոնալներն աշխատում ու կատարելագործվում են: Հենց աշխատանքի հաշվին էլ մարդիկ ձեռք են բերում ամենաթանկագինը՝ փորձը:
8. Կանխազգացումը լավագույն խորհրդատուն է
Ձեզ լսեք: Շրջապատում ոչ բոլորն են բարին ցանկանում: Դուք գիտեք, թե ուր եք ցանկանում գնալ: Ձեզ մշտապես խորհուրդ են տալու, ասելու են ինչն է լավ, ինչն է վատ, իսկ Դուք հիշեք՝ կյանքը, փողը, բիզնեսը, ընտրությունը միայն Ձերն է: Լսեք ներքին ձայնին:
9. Հաղթեք բանակցություններում
Ես հստակ գիտեմ, որ բանակցություններում հաղթում է նա, ով կարողանում է ճիշտ փաստարկներ բերել: Համոզելու ունակությունն ամենակարևորն է մարդկանց ենթարկելու գործում:
10. Աշխատեք նրանց հետ, ովքեր Ձեզ դուր են գալիս
Ինձ համար ամենալավ տարբերակն է, քանի որ չեմ ցանկանում թշնամիներ ունենալ իմ աշխատակիցների մեջ: Ցույց տվեք օրինակ և հավատարիմ մարդիկ միանգամայն կհետևեն Ձեզ:
11. Որտեղ կամքն է, այդտեղ էլ հաղթանակն է
Եթե առաջին իսկ պարտության ժամանակ Դուք լալիս եք, Ձեզ հետ չի կարելի երկար ճանապարհ գնալ:
12. Լողացեք հոսանքին հակառակ
Եթե Դուք հարմարավետության զոնայում եք, ապա ոչ մի հաջողության ակնկալիք չունենաք: Եթե Դուք Ձեզ հարմար եք զգում, ապա մնացեք տեղում, ես կյանքից այլ բան եմ ուզում՝ իհարկե ադրենալին:
13. Ավելին և կրկին ավելին
Անընդհատ գերազանցեք Ձեզ: Երբ Ձեզ գերազանցում եք, դառնում եք ավելի ինքնավստահ:
14. Ուշադիր խաղացեք
Եղեք ուշադիր, եթե չհետևեք Ձեր բիզնեսին, ապա հետագայում շատ դժվար կլինի:
15. Մի կորցրեք շարժիչ ուժը
Բոլորը խնդիրներ են վերհանում, իսկ Դուք ուղղակի լուծեք այդ խնդիրները:
