Բանաստեղծ Միխայ Էմինեսկու, Ռումինիա
Միխայ Էմինեսկուն Ռումինիայի ամենահայտնի բանաստեղծներից է: Հենց նրա պատվին էլ ստեղծվել է այս արձանը, որն առանձնահատուկ գեղեցիկ տեսք է ստանում մայրամուտին:
Լաս Կոլինասի վայրի ձիերը, ԱՄՆ
Այս արձանները իրական ձիերից երկու անգամ ավելի մեծ են: Քանդակագործը փորձել է պատկերել ձիերին շարժման մեջ:
Ընդլայնում, ԱՄՆ
Այս սքանչելի ստեղծագործությունը ժամանակակից քանդակագործության գլուխգործոց է համարվում: Դրա հեղինակը քանդակագործ Փեյջ Բրեդլին է:
Տղամարդիկ, Հայաստան
2007թ. կանգնեցված այս արձանախումբը ներկայացնում է 1972 թ. նկարահանված «Տղամարդիկ» կինոնկարի գլխավոր հերոսներին, որոնց ֆիլմում մարմնավորել են տաղանդավոր դերասաններ Մհեր Մկրտչյանը, Ազատ Շերենցը, Ավետիք Գևորգյանը և Արմեն Այվազյանը։ Արձանախմբի հեղինակը քանդակագործ Դավիթ Մինասյանն է:
Կոշիկներ Դանուբի ափին, Հունգարիա
Հուշարձան՝ Հունգարիայի գնդակահարված հրեաների պատվին: Այս ստեղծաագործությունն ավարտին է հասցվել 2005 թ.-ին:
Ազատություն, ԱՄՆ
Այս յուրատիպ ստեղծագործության հեղինակը Զենոս Ֆրուդակիսն է: Դրանում երևում է, թե ինչպես է մի անհատ առանձնանում գորշ ամբոխից ու առաջ քայլում:
Սաղմոնի քանդակ, ԱՄՆ
Այս քանդակը գտնվում է Պորտլենդում: Այն անցնում է շենքի միջով:
Ազատության ճանապարհ, Վիլնյուս
Այս արձանը նվիրված է Լիտվայի Հանրապետության վերականգման 20-ամյակին:
Սիրահարված վիշապները, Բուլղարիա
Այս գեղեցիկ ստեղծագործության հեղինակը Դ. Լազարովն է: Նա ասում է, որ ստեղծել է այս հեքիաթային հերոսներին երեխաներին ուրախացնելու համար: Մոտակայքում գտնվում է մանկապատանեկան լողի դպրոց, որի սաները շատ են հավանում այս ստեղծագործությունը:
Գաղթականներ, Իռլանդիա
Իռլանդիայի Մեծ սովը նշանակալի հետք է թողել երկրի պատմության մեջ: Սովի տարիներին Իռլանդիան կորցրել է երկրի բնակչության 20-25 %-ին: Դուբլինի կենտրոնում տեղադրված այս արձանախումբը նվիրված է այս աղետի զոհերին:
