Tert.am-ը գրում է.

Անգլիացի հայտնի երգչուհի Սառա Բրայթմանն ընթացիկ տարվա օգոստոս-սեպտեմբեր ամիսներին հատուկ մարզումներ կանցնի, որպեսզի կարողանա թռչել Միջազգային տիեզերակայան։

Ինչպես նշում է РИА-Новости-ն՝ վկայակոչելով Տիեզերագնացների նախապատրաստման կենտրոնի ղեկավար Յուրի Լոնչակովին, դասական երգչուհու թռիչքը տեղի է ունենալու հաջորդ տարվա սեպտեմբերին՝ ռուսական «Սոյուզ» մոդուլով։

Աղբյուրը հավելում է, որ Բրայթմանն իր բեղմնավոր կարիերայի ընթացքում ելույթ է ունեցել այնպիսի աստղերի հետ, ինչպիսիք են Խոսե Կարերասը, Պլասիդո Դոմինգոն, Անդրեա Բոչելին, Ալեսանդրո Սաֆինան և այլք։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել