kim-jong-un1in.am-ը գրում է.

Հյուսիսային Կորեայի պաշտպանության նախարար Չան Չոն Նամը պաշտոնանկ է արվել: Այս մասին հայտնում է ճապոնական Kyodo գործակալությունը՝ հղում անելով հյուսիսկորեական կենտրոնական ռադիոյին:

Հստակեցվում է, որ նրա պաշտոնում նշանակվել է գլխավոր շտաբի նախկին պետ Հեն Յոն Չհոլը:

Չհոլը գլխավոր շտաբի պետ էր նշանակվել 2012-ի հուլիսին, սակայն 2013-ի մայիսին հեռացվել: Այդ ժամանակ պաշտպանության նախարարի պաշտոնը զբաղեցրել էր Չան Չոն Նամը:

Պաշտոնանկության պատճառները չեն հաղորդվում: Նշվում է, որ Հյուսիսային Կորեայի առաջնորդ Կիմ Չեն Ինը սիրում է անսպասելի կադրային վերադասավորումներ, որոնք օգնում են նրան երկրի ղեկավարությանը պահել լարվածության մեջ և միաժամանակ ծառայում են նրա անձնական իշխանության ամրապնդմանը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել