Ժամանակակից ֆուտբոլը շատ է տարբերվում 20-րդ դարի ֆուտբոլից: Հաճախ ողջ խաղի ընթացքում գործում է միայն մարզչի պլանը՝ ոչ մի ինդիվիդուալ գործողություն ֆուտբոլիստների կողմից: Շատացել են նաև ճարպիկ դերասան ֆուտբոլիստները, որոնց բնականից չտարբերվող ավանտյուրաների միջոցով ֆուտբոլային բազմաթիվ հանդիպումներ բոլորովին այլ ընթացք են ստանում: Այսինքն, թե ապաշնորհ մեկ դատավոր կարող է որոշել ողջ խաղի ճակատագիրը: Այս առաջնությունում հաջողությամբ կիրառվեցին դարպասի գրավումը արձանագրող սարքերը: Դա լուրջ քայլ էր անհարկի թյուրիմացություններից ապահովագրվելու համար:
Բայց մեծագույն խնդիրը՝ դատավորները, շարունակում են հաճախ հարամել կարևորագույն հանդիպումները: ՖԻՖԱ-ն պետք է լուրջ մտածի այս ուղղությամբ: Պարտադիր պետք է վիճելի իրավիճակների ժամանակ հնարավորություն տալ դատավորներին տվյալ պահի տեսանկարահանումը անմիջապես դիտելով կայացնել, թեկուզ էլի սուբյեկտիվ, բայց համեմատաբար արդար որոշում՝ այլապես դուրս է գալիս, որ հիմնականում հենց դատավորն է որոշում խաղի ելքը: Չեմ կարծում, որ այս նորամուծությունը կազդի ֆուտբոլի ինտերակտիվության վրա՝ ընդհակառակը, այլևս չեն լինի ձեռքով խփված գոլեր կամ ձեռքով խաղ, չպատժված կանոնների խախտումներ և սիմուլյացիաներ:
