Ամերիկուհի Ջինա Մաջորսը երկու սքանչելի աղջիկների մայր է: Նրա աղջիկներից մեկը շուտով 18 տարեկան կդառնա: Այդ առիթով Ջինան կազմել է մի ցուցակ, որի մեջ նա իր ողջ հոգին է ներդրել: Այդ ցուցակում նա կյանքի դասեր է տալիս իր աղջկան, որոնք նրան պետք կգան հետագա ողջ կյանքի ընթացքում:
1. Պատրաստ եղիր կյանքում հանդիպել մի շարք նախանձ աղջիկների: Մի իջիր նրանց մակարդակին, շրջանցիր նրանց:
2. Եթե գտել ես իսկական ընկերոջ, փորձիր կողքիդ պահել նրան՝ անկախ նրանից, թե որքան մեծ հեռավորություն է ձեզ բաժանում:
3. Նյութական իրերը քեզ չեն երջանկացնի:
4. Ոչ մեկին մի՛ դատապարտիր, սակայն պատրաստ եղիր շարունակ լսել, թե ինչպես են ուրիշները քեզ դատապարտում: Գլուխդ բարձր պահիր, աղջի՛կս:
5. Փորձիր մոտիկից ճանաչել ու գնահատել տատիկիդ:
6. Ամեն խնդիր աշխարհի վերջը չէ:
7. Ամեն ինչի համար չէ, որ արժե պայքարել:
8. Մի համեմատվիր ուրիշների հետ: Նրանք երբեք այնպիսին չեն լինի, ինչպիսին դու ես:
9. Որքան էլ որ շատ սիրես որևէ մեկին, փորձիր երբեք չկորցնել ինքնասիրությունդ:
10. Խոսիր: Բարձրաձայնիր քեզ մտահոգող խնդիրների մասին:
11. Սովորիր ասել «ոչ»: Մի՛ վախեցիր մարդկանց մերժելուց:
12. Դո՛ւ պետք է գրես քո կյանքի պատմությունը, փորձիր կյանքիդ էջերը լցնել երջանիկ իրադարձություններով:
13. Երբեք մի հետապնդիր տղամարդուն: Ճիշտ կլինի, որ նա ինքը գտնի քեզ:
14. Սովորիր ճիշտ արձագանքել հաճոյախոսություններին և փորձիր հավատալ դրանց:
15. Միշտ ազնիվ եղիր:
16. Մի վախեցիր մենությունից:
17. Երբեք մի վախեցիր կիսվել քո զգացմունքներով:
18. Բանավիճել կարելի է, սակայն հիշի՛ր բանավեճի կանոնները:
19. Շատ կարդա: Ընթերցանության շնորհիվ դու նորանոր գիտելիքներ ես ձեռք բերում, իսկ գիտելիքն ուժ է:
20. Եթե գնաս տղայի տուն և նրա տանը գրքեր չտեսնես, այլևս մի վերադարձիր այդ տուն:
21. Դու ինչ-որ մեկի սեփականությունը չես:
22. Միշտ կարողացիր պաշտպանել ինքդ քեզ:
23. Մի՛ վախեցիր անհաջողության մատնվելուց: Դա քեզ հնարավորություն կտա դաս քաղել քո սխալներից:
24. Երբեք էլեկտրոնային հաղորդագրության տեսքով մի ուղարկիր այնպիսի բան, որը դու չէիր ցանկանա, որ հայտնվեր թերթի առաջին էջում: Եթե անգամ դու ջնջես այդ հաղորդագրությունը, այն կարող է ջրի երես դուրս գալ և օգտագործվել քո դեմ:
25. Անվերապահորեն օգնիր մարդկանց: Բարի գործերը երջանկություն են բերում:
26. Բարեհամբույր ու շնորհակալ եղիր: Երախտագիտության զգացումը գեղեցկացնում է մարդուն:
27. Վստահիր ինտուիցիայիդ:
28. Դու գեղեցիկ ես: Ոչ մեկին թույլ մի՛ տուր, որ քեզ ստիպի կասկածել դրանում:
29. Քո արարքներն ավելի շատ բան են ասում քո մասին, քան քո խոսքերը:
30. Մի թաքցրու զգացմունքներդ. դրանք արտահայտելու եղանակներ գտիր:
31. Ամեն ինչի մեջ գեղեցիկը փնտրիր:
32. Արևապաշտպան քսուկ օգտագործիր:
33. Մի կորցրու կապդ այն մարդկանց հետո, ովքեր սիրում են քեզ:
34. Միշտ գլուխդ վեր պահիր: Ինքնավստահությունը գրավիչ է:
35. Արտասվիր, երբ դրա կարիքը կա, և նոր ուժ գտիր քո արցունքների մեջ:
36. Ծիծաղը հոգու բալասան է:
37. Երաժշտությունը չափազանց բա՞րձր է: Ուրեմն ավելի բարձրացրու ու պարիր:
38. Բառերի միջոցով կարելի է կամուրջներ կառուցել, սակայն բառերը կարող են նաև այրել կամուրջները: Զգույշ եղեք Ձեր խոսքերում:
39. Տունն այն վայրն է, որտեղ քեզ սիրում են, ոչ թե այն վայրը, որտեղ դու բնակվում ես:
40. Առաջինը ներողություն խնդրելը թուլության նշան չէ:
41. Աշխատիր, տքնաջանորեն աշխատիր: Միշտ փորձիր կարողանալ ապահովել ինքդ քո ապրուստը:
42. Ես գիտեմ, որ որոշ պահերի դու ատում ես ինձ, սակայն ես քեզ միշտ սիրում եմ:
43. Փորձիր կյանքդ այնպես ապրել, որ կյանքումդ գերիշխի սերը:
44. Եթե ինձ ասելիք ունես, ցանկացած պահի կարող ես խոսել ինձ հետ: Ես միշտ քո կողքին կլինեմ:
45. Եվս մի անգամ կրկնում եմ, որ ես միշտ կսիրեմ քեզ:
46. Դու ավելի շատ բանի ես ընդունակ, քան թվում է առաջին հայացքից:
47. Ապրիր ներկայով, սակայն թույլ մի տուր այնպիսի արարքներ, որոնց համար ապագայում կզղջաս:
