1in.am-ը գրում է.
Աֆղանստանի նախագահ Համիդ Կարզայը BBC-ի հետ զրույցում հայտարարել է, որ չի հավատում «Ալ-Քաիդայի»՝ երկիր վերադարձին: Քաղաքական գործիչը համոզմունք է հայտնել, որ Իրաքի ընթացիկ հակամարտությանը նման իրավիճակ չի կարող կրկնվել Աֆղանստանում:
Կարզայի խոսքով՝ ահաբեկչության դեմ ամերիկյան պատերազմը պետք է հարվածեր ոչ թե աֆղանական բնակավայրերին, այլ երկրից դուրս գտնվող պատվարներին: Ենթադրվում է, որ հեռացող նախագահն ակնարկել է թալիբների բազաները Պակիստանում:
Կարզայը հրաժարվել է ստորագրել համաձայնագիրը, որը թույլ կտա երկարացնել Աֆղանստանում ԱՄՆ զորքերի գտնվելը կոալիցիոն ուժերի դուրսբերումից հետո, սակայն նախագահի պաշտոնին հավակնող երկու թեկնածուները վստահեցնում են, որ ընտրվելու դեպքում կստորագրեն համաձայնագիրը:
Նյութի աղբյուր՝ http://www.1in.am/1335229.html
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
