patagonia-dams1in.am-ը գրում է.

Չիլիի կառավարությունը որոշել է հրաժարվել նախագծից, որը կարող էր դառնալ խոշորագույնը երկրի էներգետիկայի պատմության մեջ՝ հայտնում է BBC-ի ռուսական ծառայությունը:

Հիդրոէլեկտրական նախագծի հեղինակներն առաջարկել էին Պատագոնիայի երկու գետերի վրա կառուցել 5 հսկայական ամբարտակ:

Չիլիի էներգետիկայի նախարարի խոսքով՝ նախագծի շատ մասեր բավականաչափ մշակված չեն եղել:

Շրջակա միջավայրի պաշտպաններն իշխանությունների որոշումն ընդունել են խանդավառությամբ: Նրանց խոսքով՝ ամբարտակների կառուցման հետևանքներն ավերիչ կլինեին շրջանի էկոհամակարգերի համար:

Գետերի էներգիան օգտագործել առաջարկած ընկերությունները հնարավորություն ունեն դատարանում բողոքարկելու կառավարության որոշումը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել