Մեքսիկայում վերջնականապես արգելվել է կենդանիների մասնակցությունը կրկեսային ներկայացումներին

1in.am-ը գրում է.

Մեխիկոյի քաղաքային խորհուրդը հունիսի 9-ին քվեարկել է կրկեսային ներկայացումներին կենդանիների մասնակցությունը արգելելու օգտին՝ հայտնում է Associated Press-ը:

Այսպիսով՝ մայրաքաղաքը դարձել է Մեքսիկայում վերջին վայրը, որտեղ սահմանվել է նման արգելք: Արգելքի խախտման համար սահմանվել է 45-60 հազար դոլարի չափով տուգանք:

Օրենքը չի տարածվում դելֆինների մասնակցությամբ ջրային շոուների, ցլամարտերի ու ավանդական մեքսիկական ռոդեոների վրա:

Կրկեսային հանրությունում, սակայն, կարծում են, որ կենդանի-արտիստների հետ իրենք մարդասիրաբար են վարվում, իսկ որոշները անգամ հաճույք են ստանում ելույթներից: