1in.am-ը գրում է.
Սկսվել է Իրանի նախագահ Հասան Ռուհանիի երկօրյա այցը Թուրքիա՝ հայտնում է Իրանի պետական IRINN հեռուստաալիքը:
Ռուհանին կհանդիպի Թուրքիայի նախագահ Աբդուլլահ Գյուլի և վարչապետ Ռեջեփ Թայիփ Էրդողանի հետ: Հանդիպումների ընթացքում կքննարկվեն երկու երկրների համագործակցության ամրապնդման ուղիները, նաև տարածաշրջանային և միջազգային հարցեր: Քննարկվելիք տարածաշրջանային խնդիրների թվում է սիրիական հարցը:
Թեհրան մեկնելուց առաջ մամուլի ասուլիսի ժամանակ Ռուհանին հայտարարել է, որ իր վարչակազմի համար առաջնահերթություն է հարևան երկրների հետ երկկողմ կապերի ակտիվացումը, այդ թվում՝ Թուրքիայի:
Այցի շրջանակներում Իրանի նախագահը նաև կմասնակցի բարձր մակարդակով ռազմավարական համագործակցության համատեղ կոմիտեի առաջին նիստին: Կոմիտեն ստեղծվել է Էրդողանի՝ տարեսկզբին Թեհրան կատարած այցի ժամանակ: