Բլոգնյուզի ստեղծումից ի վեր բլոգոսֆերան բաժանվել է երկու մասի. մարդիկ , ովքեր դեմ են նրա գործունեությանn ու մարդիկ, ովքեր լավ են վերաբերվում նրան :  Ասել, թե ով է նրանցից ճիշտ, ով սխալ՝ անիմաստ կլինի : Ամեն մեկը փորձում է իրենն առաջ տանել ու  համոզել հակառակ կողմին, որ հենց նա է սխալ: Ես  ուզում եմ հեռու մնալ  ընդհանրացումներից :

Ավելի լավ է իմ անունից խոսեմ . ինչո՞ւ դեմ չեմ  Բլոգնյուզին , ի՞նչ է ինձ տվել այդ կայքը :
Ինձ ՝ որպես բլոգերի, նախ և առաջ կարևոր է, որ խոսքս հասնի ընթերցողին : Եթե գրում եմ՝ պիտի ընթերցող ունենամ :  Այս հարցում Բլոգնյուզն ինձ իրոք շատ օգնում է :  Նախ՝ ինձ շատ հաճելի է, որ  տվյալ կայքի աշխատակիցներն  ուշադիր հետևում են բլոգիս գործունեությանն ու   պարտաճանաչ կերպով հրապարակում են  իմ գրառումները : Նկատել եմ, որ այլ բլոգներից միայն մեկ-երկու գրառում կա , իսկ իմ գրառումները Բլոգնյուզի հարթակում բավականին շատ են :Սա նշանակում է, որ իմ գրառումները ինչ-որ չափով կարդացվում  են ու հենց Բլոգնյուզի անձնակազմն էլ ինչ-որ  հետաքրքիր բան գտել է  բլոգումս. եթե  լավ ու պետքական բան չլիներ՝ գրառումներս այդքան հաճախ նրանց հարթակում չէին լինի :  Հետո . Բլոգնյուզում հաճախակի հայտնվելը  ստիպում է ավելի  ուշադիր ընտրել բառերը, ավելի գրագետ լինել ու  հաշվի առնել այն հանգամանքը, որ բացի իմ բլոգի տարածքից, գրառումս, շատ հնարավոր է, հայտնվելու է նաև Բլոգնյուզի էջում ու ինձ կարդալու են նաև մարդիկ, ովքեր  միգուցե և ամեն օր չեն այցելում իմ բլոգ : Հետևաբար՝ գրառումը պետք  է լինի մաքսիմալ լավ ու ամբողջական կազմված, որպեսզի նույնիսկ այն մարդը, ով առաջին անգամ է ծանոթանում իմ գրելաոճին , ինձ ճիշտ հասկանա ու  ճիշտ ընկալի  գրառումս: Այստեղից հասկացանք՝ Բլոգնյուզի օգնությամբ ես սկսել եմ շատ ավելի հստակ ու հասկանալի գրել ՝ հաշվի առնելով իմ ՛՛ոչ մշտական ՛՛  , Բլոգնյուզի կողմից ինձ տրամադրվող   ՛՛կողքից՛՛ ընթերցողներին :
Շատերը բողոքում են ռեյտինգից : Ասել է թե . ՛՛Դե հա, նյութս կարդում են, բայց Բլոգնյուզի էջից են կարդում, բա իմ բլո՞գը ՛՛ : Միգուցե սա  ոմանց համար խնդիր է հանդիսանում : Բայց ես այստեղ ոչ մի խնդիր չեմ տեսնում : Եթե  Բլոգնյուզն այս գրառումս դնի իր էջում, դուք նախքան նյութը կարդալը սև, մուգ տառերով կկարդաք անունս. Սյունե Սևադա : Դուք արդեն ինձ ճանաչեցիք, այնպես չէ՞ :  Ուրեմն՝ այս գրառումը գրել է ոմն Սյունե Սևադան :  Նյութի ներքևի հատվածում կա գրառման լինքը : Եթե գրառումը ձեզ դուր գա՝ դուք  կսեղմեք լինքի վրա ու կհայտնվեք իմ բլոգում  ու կիմանաք, որ Սյունե Սևադայի բլոգը կրում է   ՛՛Ամեն ինչ ոչնչի մասին՛՛ անվանումը :  Դրանից հետո, եթե  Բլոգնյուզում, կամ ֆեյսբուքյան խմբերում, կամ էլ ինչ-որ օգտատիրոջ էջում տեսնեք ՛՛Սյունե Սևադա՛՛ անունը կամ ՛՛Ամեն ինչ ոչնչի մասին՛՛-ից լինք, դա ձեր ականջին էլ խորթ չի լինի : Կասեք. ՛՛հա՜, էս էն աղջիկն էր, էն որ Բլոգնյուզում  նյութ էր գրել ՛՛ : Ու , արդեն որպես ծանոթ անուն , կայցելեք իմ բլոգ. տեսնեք այս անգամ ի՞նչ նոր բան եմ գրել :
Դուք արդեն գիտեք իմ անունը ու ճանաչում եք ինձ՝ որպես բլոգեր : Եթե  իմ  գրելաոճը ձեզ դուր գա՝ կայցելեք լինքով ու  հենց բլոգումս կծանոթանաք իմ մնացած գրառումներին : Ուրեմն էլ ի՞նչ խնդիր կա :
 Բլոգնյուզը կարողանում է ընդլայնել  ընթերցողների սահմանները : Ես , Բլոգնյուզի շնորհիվ, ձեռք եմ բերել մշտական ընթերցողներ, որոնք արդեն չեն սպասում՝ երբ նյութս կհայտնվի նրանց էջին : Արդեն գիտեն բլոգիս հասցեն, նույնիսկ արդեն ինձ հետ են կապ հաստատել ու ինձ հետ են շփվում : Բայց չպետք է մոռանալ , որ եթե չլիներ Բլոգնյուզը,  այդ նույն ընթերցողները միգուցե  չճանաչեին ինձ   ու  բլոգս նրանց համար այդպես էլ անծանոթ մնար :
Գրառումս կկարդան իմ էջում, թե  Բլոգնյուզի՝ ինձ համար երկրորդական  է : Կարևոր է , որ կարդան :   Բոլորս էլ գիտակցում ու հասկանում ենք, որ մեր օրերում  նախապատվությունը տրվում է շատ աղբ պարունակող կամ էլ թե ոչինչ չասող գրառումներին : Բայց այդ ամենի կողքին կարող է նաև գնահատվել հետաքրքիր խոսքն ու կարծիքը: Միգուցե ինձ  ընդունեն, միգուցե ՝ ոչ : Կհամարեն  ինձ հետաքրքիր բլոգեր, կամ  բոլորի պես նվնվացող ու բողոքող մեկը՝ սա հարցի մյուս կողմն է : Փաստը մնում է փաստ, որ եթե իմ գրելաոճը հետաքրքրի ընթերցողին, նա կգտնի ինձ :  Իսկ ինձ գտնելու համար կարող է արագ միջոց հանդիսանալ Բլոգնյուզը: 
Ոչ մի կերպ չեմ մեղադրում Բլոգնյուզին դեմ կանգնողներին  . դա նրանց կարծիքն է : Անձամբ ես սիրով ՛՛համագործակցում եմ՛՛    Բլոգնյուզի հետ  :   Ու հուսով եմ ՝ դեռ երկար  կլինեմ նրանց էջերում:
Ու որպես վերջաբան մի բան  նշեմ. ըստ իս ՝  գրող մարդու համար կարևոր է  իր խոսքը տեղ հասցնել ու ներկայացնել հնարավորինս շատ մարդկանց : Իսկ ռեյիտնգը...ահ, այսօր կա, վաղը՝ չկա :  Կարևորը՝  հիշվել մարդկանց կողմից ու որոշ քանակի համար էլ սիրելի դառնալ : Ու եթե կա կայք, որը հնարավորություն է տալիս ավելի մեծացնել ընթերցողների շրջանակը՝ սխալ կլինի չօգտվել նման հնարավորությունից :
Հ.գ. առիթից էլ օգտվեմ ու շնորհակալություն հայտնեմ Բլոգնյուզին ))))  Կայքի շնորհիվ հրաշալի ընթերցողներ եմ ձեռք բերել : Ինձ միշտ հաճելի է գրառումս տեսնել  Բլոգնյուզի էջերում: Շնորհակալ եմ ! )))

 

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել