Մենք բոլորս էլ ցանկանում ենք կյանքում հաղթող լինել: Մենք բոլորս էլ ցանկանում ենք հաջողության հասնել: Այդ դեպքում ինչո՞ւ է, որ ոմանց մոտ դա ստացվում է, իսկ ոմանց մոտ՝ ոչ: Դա մեծապես կապված է մեր մտածելակերպի հետ. ինչի՞ վրա ենք մենք կենտրոնանում և ինչպե՞ս ենք ապրում ամեն պահը:
Ահա մի քանի միտք այն մասին, թե ինչու են հաղթողները հաղթում, իսկ պարտվողները՝ պարտվում:
♦ Պարտվողները մեկ անգամ ձախողվում են ու հանձնվում: Հաղթողները ձախողվում են հազար անգամ և ի վերջո հաջողության հասնում:
♦ Պարտվողները հաջողությունը տեսնում են վերջնագծում: Հաղթողները հաջողության փորձառությունն ապրում են իրենց անցած ճանապարհին:
♦ Պարտվողներն աշխատում են փող վաստակելու համար: Հաղթողներն աշխատում են փոփոխություն անելու համար:
♦ Պարտվողները առնում են: Հաղթողները կառուցում են:
♦ Պարտվողները տեսնում են բաներ, որոնք չեն հասկանում, ու հուսահատվում են: Հաղթողները տեսնում են բաներ, որոնք չեն հասկանում, ու հետաքրքրասիրությամբ են լցվում:
♦ Պարտվողները խոսում են: Հաղթողները հաղորդակցվում են:
♦ Պարտվողները փորձում են մի կրակոցով նվաճել աշխարհը: Հաղթողները անընդհատ ավելացնում են իրենց փոքրիկ հաղթանակները:
♦ Պարտվողները որոշակի ելքեր են ակնկալում: Հաղթողները իրենց պատրաստում են անսպասելիին:
♦ Պարտվողները հարգանք են փնտրում: Հաղթողները հարգանքը վաստակում են:
♦ Պարտվողները կենտրոնանում են խնդրի վրա: Հաղթողները խնդրի լուծումների վրա են կենտրոնանում:
♦ Պարտվողները մտածում են հնարավոր տարբերակների մասին: Հաղթողները որոշումներ են կայացնում ու գործում:
♦ Պարտվողներին վճարում են իրենց ժամանակի համար: Հաղթողներին վճարում են իրենց արդյունքների համար:
♦ Պարտվողները թույլ են տալիս, որ ինչ-որ բան պատահի: Հաղթողներն իրենք են աշխատում, որ ինչ-որ բան պատահի:
♦ Պարտվողները ցանկանում են բոլորից առաջ անցնել: Հաղթողներն օգնում են մյուսներին նույնպես առաջ անցնել:
♦ Պարտվողները շփվում են պարտվողների հետ: Հաղթողները շփվում են իրենցից ավելի ուժեղ հաղթողների հետ:
♦ Պարտվողները հետևում են հաջողության այն սահմանումներին, որոնք մյուսների կողմից են սահմանվել: Հաղթողներն իրենք են սահմանում իրենց հաջողությունը:
♦ Պարտվողները փախչում են վախերից: Հաղթողները դեմ հանդիման են դուրս գալիս իրենց վախերին:
♦ Պարտվողները իրենց ազատ ժամանակը վատնում են (հեռուստացույց են դիտում): Հաղթողները իրենց ազատ ժամանակն օգտագործում են (ինչ-որ նոր բան են սովորում կամ նոր փորձառություն ապրում):
♦ Պարտվողները իրենց համար անծանոթ ինչ-որ բան որպես ռիսկ են դիտարկում: Հաղթողների համար ռիսկը ծանոթ ու հաստատուն է:
♦ Պարտվողներն ապրում են անցյալում: Հաղթողները կյանքն ապրում են հիմա` հիմնվելով անցյալում սովորած կյանքի դասերի վրա:
♦ Պատվողները իրենց որպես մասնագետ են պիտակում: Հաղթողները գիտակցում են, որ դեռ շատ բան ունեն սովորելու:
♦ Պարտվողները չափազանց շատ են «վաճառում»: Հաղթողները չափազանց շատ են «տալիս»:
♦ Պարտվողները մռայլվում են: Հաղթողները ժպտում են:
♦ Պարտվողները կարծում են, որ հաղթողները հաջողակ են: Հաղթողները գիտակցում են, որ որքան քրտնաջան աշխատեն, այնքան ավելի հաջողակ կլինեն:
Եթե ինչ-որ միտք բաց է թողնվել այս ցանկից` կիսվեք մեզ հետ ստորև թողնելով ձեր մեկնաբանությունը: Ի՞նչն է տարբերում հաղթողներին պարտվողներից:
