1in.am-ը գրում է.
Ուրբաթ Իտալիայի մայրաքաղաք Հռոմում առաջին անգամ քաղաքապետարանի ծառայողների համընդհանուր գործադուլ է տեղի ունեցել: Նման կերպ աշխատակիցները որոշել են բողոքել իրենց աշխատավարձերը կրճատելու և տնտեսական իրավունքները սահմանափակելու քաղաքապետարանի որոշման դեմ: Այս մասին գրում է Ria Novosti-ն:
Իտալիայի բոլոր հիմնական ոլորտների արհմիությունների կոչով, կեսօրին մոտԿաթոլիկ բլրի վրա`քաղաքապետարանի շենքի առջև և դրան հարակից փողոցներում ու հրապարակներում, ավելի քան 10 հազար մարդ էր հավաքվել: Գլխավոր շարասյունը պաստառ էր բարձրացրել` «Աշխատավարձ, իրավունք, արժանապատվություն` քաղաքացիներին ծառայություններ ապահովելու համար»:
Նշենք, որ ուրբաթ օրը Հռոմում փակվել են բոլոր պետական հաստատությունները: Դրա հետևանքով Հավերժական քաղաքի ճանապարհատրանսպորտային դրությունը կաթվածահար էր եղել:
Երբ Հռոմի քաղաքապետ Ինյացիո Մարինոն հեծանվով իր գրասենյակ է եկել, վերջինիս ենթակա աշխատակիցները սուլել և բղավել են. «Շնորհակալություն, Մարինո: Քո շնորհիվ առաջին անգամ Հռոմի պատմության մեջ մենք համընդհանուր գործադուլ ենք անցկացնում»: