1in.am-ը գրում է.
Ջորջ Բուշ կրտսերի նախագահության տարիներին՝ 2001-2009թթ., ԱՄՆ վարչակազմը իրականացրել է ռազմական հանցագործություններ: Նման կարծիք է հայտնել անվտանգության, ահաբեկչության դեմ պայքարի և ենթակառուցվածքային օբյեկտների պաշտպանության հարցերով ԱՄՆ կառավարության նախկին համակարգող Ռիչարդ Քլարքը: Այս մասին գրում է ITAR-TASS-ը:
«Պարզ է, համենայնդեպս՝ ինձ համար, որ Բուշ կրտսերի վարչակազմի իրականացրած կոնկրետ գործողությունները ռազմական հանցագործություններ են»,- ասել է Քլարքն իր հարցազրույցներից մեկի ժամանակ:
Նա նշել է, որ այժմ սահմանված են ընթացակարգեր, որոնք թույլ են տալիս Հաագայի Միջազգային քրեական դատարանին հանձնել մարդկանց «իրենց գործողությունների համար, որոնք նրանք իրականացրել են նախագահ կամ վարչապետ եղած ժամանակ»:
Փորձագետը նաև խստորեն քննադատել է ԱՄՆ անօդաչուների կիրառման պրակտիկան՝ արտասահմանում ենթադրյալ ահաբեկիչներին հրթիռակոծելու համար: