1 Ջոնի Դեփ
Այս դերասանը հիմնականում հետևում է իր սրտի ձայնին՝ մասնավորապես գնումների ժամանակ: Նա մի յուրօրինակ հոբբի ունի. Ջոնին հավաքում է միջատների ու չղջիկների կմախքները: Իր հավաքածուն համալրելու համար նա նորանոր կմախքներ է գնում: Միայն Աստծուն է հայտնի, թե նրա ինչին են պետք այս կմախքները:
2 Ամանդա Սեյֆրիդ
Այս դերասանուհին, մոդելն ու երգչուհին մի անգամ գնեց ձիու դիակ: Ձին երեք շաբաթականում էր մահացել: Ամանդան հասարակ դիակ չէր գնել, այլ մանրակրկիտ մշակման ենթարկված խրտվիլակ: Ամանդան հավանաբար հետաքրքրվում է տաքսիդերմիայով (կենդանիների խրտվիլակների պատրաստման եղանակ): Նա այս խրտվիլակը գնել է Լոս Անջելեսի իր տունը դրանով զարդարելու համար: Նա ունի նաև բվի ու ջրարջի խրտվիլակ և չորացրած թիթեռներ:
3 Բեյոնսե
Գրեմմիի բազմակի մրցանակակիր Բեյոնսեն խենթանում է Balenciaga նորաձևության տան ոսկեպատ լեգինսների համար: Դրանցից յուրաքանչյուրը 100.000 դոլար արժե, սակայն այս աշխարհահռչակ երգչուհին իրեն չի զրկում նման հաճույքներից:
4 Նիկոլաս Քեյջ
Նիկոլաս Քեյջի ամենաապշեցուցիչ գնումներից մեկը «տարբոզավր» տեսակի դինոզավրի գանգն է: Շշուկներ են տարածված այն մասին, որ Լեոնարդո դի Կապրիոն ևս աչք է ունեցել 67 մլն. տարվա վաղեմության այս գանգի վրա, սակայն Նիկոլաս Քեյջը նրանից առաջ է անցել և 276.000 դոլարով ձեռք է բերել այդ հազվագյուտ նմուշը:
5 Պենելոպե Քրուզ
Մշտապես խնամված ու գեղեցիկ հագնված Պենելոպե Քրուզը մեծ ուշադրություն է հատկացնում ոչ միայն իր զգեստներին, այլև այն կախիչներին, որոնցից դրանք կախվում են: Պենելոպեն ավելի քան 500 թանկարժեք կախիչ ունի: Դրանցից ոչ մեկը հասարակ մետաղից չէ:
6 Սթիվ Քերել
Այս մի գնումը միայն պատկառանք է առաջացնում Սթիվ Քերելի նկատմամբ: Նա Մասաչուսեթսում մի հանրախանութ գնեց, որը հայտնվել էր փակման եզրին: Շատերի համար գաղտնիք է, թե ինչու նա որոշեց փրկել այս բիզնեսը սնանկացումից: Նա պարզապես մանուկ հասակում այցելում էր այդ խանութ և այդ խանութի հետ կապված մանկական ջերմ հուշեր ուներ: Դրա համար էլ նա չէր ցանկանում, որ ֆինանսական դժվարությունների պատճառով խանութը փակվեր:
7 Անջելինա Ջոլի
Այս դերասանուհին գեղեցիկ ու յուրօրինակ դանակների հավաքածու ունի: Նրա մայրը գնեց նրա հավաքածուի առաջին դանակը, երբ նա դեռ 12 տարեկան էր: Երբ լրացավ Անջելինայի որդի Մադոքի 12 տարին, նա հետևեց իր մոր օրինակին և իր որդու համար մի դանակ գնեց:
