1in.am-ը գրում է.
Արևմուտքը շարունակում է ճնշում գործադրել Սիրիայի վրա՝ դրանով իսկ պայմաններ ստեղծելով ռազմական միջամտության համար: RIA Novosti-ի հաղորդմամբ՝ նման կարծիք է հայտնել Ռուսաստանի արտգործնախարար Սերգեյ Լավրովը:
«Արևմտյան գործընկերները Ժնևում հանդիպման ընթացքում հիմնական ուշադրությունը կկենտրոնացնեն պահանջների վրա՝ հնարավորինս շուտ հայտարարելու Սիրիայում տիրող իրավիճակը ՄԱԿ-ի Կանոնադրության 7-րդ գլխի ներքո և ավելի ակտիվորեն ճնշելու ռեժիմին, կիրառելու նոր պատժամիջոցներ: Ընդհանուր առմամբ, նրանք իրականացնում են ոչ թե իրավիճակի լիցքաթափման, այլ լարվածության սրման աշխատանք և ձգտում են պայմաններ ստեղծել արտաքին միջամտության համար»,- ընդգծել է Լավրովը:
Լավրովը հավելել է, որ Ժնևում ՄԱԿ-ի գործունեության շրջանակում ձևավորվել են աշխատանքային խմբեր, որոնք զբաղվում են Սիրիայում մարդասիրական հարցերով:
