1in.am-ը գրում է.
Գերմանիայի կանցլեր Անգելա Մերկելը համաձայն է Եվրահանձնաժողովի ղեկավարի պաշտոնում Լյուքսեմբուրգի նախկին վարչապետ Ժան-Կլոդ Յունկերի թեկնածությանը՝ հայտնում է BBC-ի ռուսական ծառայությունը:
Յունկերը ներկայացնում է Եվրոպական ժողովրդական կուսակցությունը, որն անցած շաբաթ ընտրությունների արդյունքում ամենաշատ ձայներն է հավաքել:
Յունկերի թեկնածության դեմ հանդես են գալիս Մեծ Բրիտանիայի, Հունգարիայի և Շվեդիայի կառավարությունները:
Բրիտանիայի վարչապետ Դևիդ Քեմերոնի խոսքով՝ ԵՄ խորհրդարանի ընտրություններում եվրասկեպտիկների կուսակցության հաղթանակը խոսում է միության բարեփոխման անհրաժեշտության մասին: Իսկ դա, ըստ Քեմերոնի, իր հերթին, նշանակում է, որ ԵՄ նախագահ պետք է դառնա քաղաքական գործիչ, որը Ժան-Կլոդ Յունկերից շատ ավելի է հակված բարեփոխումներ անելու: