Հանցագործության հետքերը, այլ նյութական օբյեկտները հայտնաբերելու, հանցագործության դեպքը, ինչպես նաև գործի համար նշանակություն ունեցող մյուս հանգամանքները պարզելու նպատակով քննիչը կատարում է տեղանքի, շինությունների, առարկաների, փաստաթղթերի, կենդանիների, մարդու կամ կենդանու դիակի զննում:
Զննումը, որպես կանոն, կատարվում է ցերեկը, ընթերակաների մասնակցությամբ: Զննում է տեսանելի օբյեկտները, իսկ անհրաժեշտության դեպքում դրանց զննումը դարձնում է իրեն մատչելի, եթե դրանով չեն խախտվում քաղաքացիների իրավունքները: Քննիչը զննում է տեսանելի օբյեկտները, այսինքն չի կարող պահարան, դարակ, թաքստոց և այլն բացել, զննության ժամանակ կարող է առավելագույնը լուսավորություն և պայմաններ ստեղծել: Անհրաժեշտության դեպքում քննիչը կարող է կատարել զննվող վայրի և առանձին առարկաների չափումներ, կազմում է հատակագծեր, գծագրեր, սխեմաներ, իսկ հնարավորության դեպքում կատարում լուսանկարում, տեսանկարահանում, կինոնկարահանում և այլ տեսակի ամրագրում, որի մասին նշվում է արձանագրության մեջ: Ամրագրման արդյունք հանդիսացող նշված փաստաթղթերը կցվում են արձանագրությանը: Զննության ընթացքում քննիչը կարող է ինքնուրույն կամ մասնագետի օգնությամբ վերցնել հետքեր, իրեր, փաստաթղթեր, ինչպես նաև այլ առարկաներ, որոնք գործով հետագայում կարող են ունենալ ապացուցողական նշանակություն: Զննումն ավարտվելուց հետո քննիչը կազմում է արձանագրություն:
Աղավնի Մադոյան
ՀՀ փաստաբանների պալատի
երիտասարդական խորհուրդ
Ձեր հարցերը իրավաբաններին կարող եք ուղարկել [email protected] հասցեին կամ BlogNews-ի ֆեյսբուքյան էջին:
