Mediamall.am-ը գրում է.
Երեկ հեղինակավոր "Forbes" ամսագիրը հայտարարել է աշխարհի ամենաազդեցիկ կանանց անունները: Այդ ցանկում են քաղաքական գործիչներ, դերասաններ, երգիչներ: Լավագույն տասնյակում հայտնվել են քաղաքական գործիչները: Առաջին տեղում է Անգելա Մերկելը, իսկ Հիլարի Քլինթոնն ու Միշել Օբաման 6-րդ և 8-րդ տեղերում են: Հեռուստահաղորդավարուհի Օփրա Ուինֆրին հայտնվել է 14-րդ հորիզոնականում:
Հեռուստատեսության բնագավառում ամենաբարձր վարձատրվող աստղը` Սոֆյա Վերգարան, 32-րդ տեղում է: Ամենաբարձր վարձատրվող հոլիվուդյան դերասանուհի, ՄԱԿ-ի բարի կամքի դեսպան Անջելինա Ջոլին զբաղեցրել է 50-րդ տեղը: Լավագույն 100-յակում են երգչուհիներ Շակիրան և Լեդի Գագան, դիզայներներԴիանա Ֆոն Ֆյուրստենբերգը, Միուչչա Պրադան և Տորի Բյորչը, ինչպես նաև սուպերմոդել Ժիզել Բունդհենը:
